బిగ్ బాస్ ఓటీటీతో తెలుగ‌మ్మాయి కంబ్యాక్

బిందుమాధ‌వి ప‌రిచ‌యం అవ‌స‌రం లేదు. తెలుగ‌మ్మాయే అయినా తెలుగులో కంటే త‌మిళంలోనే ఎక్కువ అవ‌కాశాలందుకుని స్థానిక న‌టిగా పాపుల‌రైంది. తెలుగు ద‌ర్శ‌కులు ఎవ‌రూ త‌న‌కు పెద్ద‌గా అవ‌కాశాలివ్వ‌లేదు. ఆరంభం కొన్ని వైఫ‌ల్యాలు ఈ అమ్మ‌డికి ఇక్క‌డ ఛాన్సుల్లేకుండా చేశాయి. ఇక ఇటీవ‌లి కాలంలో బిందు మాధ‌వి పూర్తిగా తెర‌మ‌రుగైంది.

కానీ ఇప్పుడు తిరిగి మ‌రోసారి బిందు మాధ‌వి అంద‌రి దృష్టిని ఆక‌ర్షిస్తోంది. ముఖ్యంగా ఈ బ్యూటీ ఆహా వెబ్ సిరీస్ లో కనిపించిన తర్వాత దృష్టిని ఆకర్షించింది. అది ఆమె బిగ్ బాస్ -ఓటీటీ ఎంట్రీకి సాయ‌మైంది.

ఆవకాయ్ బిర్యానీ ఫేమ్ బిందుమాధవి తెలుగులో హైడ అయినా ఆ తర్వాత కోలీవుడ్ కి వెళ్లి అక్కడ కూడా తన సత్తా చాటింది. అయితే ఇటీవ‌ల అక్క‌డా కెరీర్ నెమ్మ‌దించింది.

క్రిష్ క్రియేష‌న్ లో `మస్తీ` వెబ్ సిరీస్ లో నటించి మంచి పేరు తెచ్చుకున్న తర్వాత ఇప్పుడు తిరిగి పాపులారిటీని ద‌క్కించుకుంటోంది. తాజా స‌మాచారం మేర‌కు.. బిందు బిగ్ బాస్ తెలుగు మొట్టమొదటి OTT వెర్షన్ లోకి ప్రవేశించ‌నుంది. షోలో అద‌ర‌గొడితే ఆ తర్వాత ఆమె అదృష్టం మలుపు తిరుగుతుందని ఆశిస్తున్నారు. ఈ బిగ్ బాస్‌- ఓటిటీ స్టంట్ తర్వాత తెలుగులో ఎలాంటి ఆఫ‌ర్లు రానున్నాయి? అన్న‌ది చూడాలి. ఇప్పటికే షో కోసం బిందు భారీ హోప్స్ తో సిద్ధమైందని స‌మాచారం.

బిందు మాధవితో పాటు.. బిగ్ బాస్ మాజీ కంటెస్టెంట్స్ అషు రెడ్డి.. ముమైత్ ఖాన్ .. తేజస్వి మదివాడ త‌దిత‌ర హాట్ గాళ్స్ షోలో దుమ్ము రేప‌నున్నారు.

ఈ షోకి సంబంధించిన ఇత‌ర విష‌యాలు మునుముందు మ‌రింత‌గా తెలియ‌నున్నాయి. ఆహా ఓటీటీ తెలుగులో అతిపెద్ద స‌క్సెసైంది. బిగ్ బాస్ ఓటీటీ సిరీస్ తో మ‌రింత పాపులారిటీని పెంచుకోనుంది.