బర్త్ డే పోస్టర్.. సోలో బ్యూటీనే సో బెటర్!

టాలీవుడ్ లో కొత్తతరం భామ అయిన నభ నటేష్ ఈమధ్యే 'ఇస్మార్ట్ శంకర్' తో భారీ విజయాన్ని తన ఖాతాలో వేసుకుంది. ఈ సినిమా విజయంతో కొత్త ఆఫర్లు నభను వెతుక్కుంటూ వచ్చాయి. ఇప్పుడు పలు సినిమాల్లో నటిస్తూ తెగ బిజీగా ఉంది నభ. గ్లామర్ ఆరాధకులకు నిద్రలేకుండా చేయగలిగిన నభ పుట్టినరోజు ఈరోజు. దీంతో సోషల్ మీడియాలో హంగామా జరుగుతోంది.

నభ ప్రస్తుతం సాయి ధరమ్ తేజ్ తో 'సోలో బ్రతుకే సో బెటర్' అనే సినిమాలో నటిస్తోంది. ఈ సినిమాను శ్రీవెంకటేశ్వర సినీ చిత్ర బ్యానర్ పై బీవీఎస్ఎన్ ప్రసాద్ నిర్మిస్తున్నారు. నభ పుట్టిన రోజు సందర్భంగా 'సోలో బ్రతుకే సో బెటర్' టీమ్ నభ కు జన్మదిన శుభాకాంక్షలు తెలుపుతూ ఒక బ్యూటిఫుల్ పోస్టర్ ను విడుదల చేసింది. ఈ పోస్టర్ లో నభ నీలం రంగు ఛోళీ - లెహెంగా.. పారదర్శకంగా ఉండే ఒక చున్ని ధరించి నిలుచుంది. నభ డ్రెస్ మెరిసే అద్దాల ఎంబ్రాయిడరీ వర్క్ తో చాలా అందంగా ఉంది. నభ ఆ డ్రెస్ కంటే మరింత అందంగా ఉంది. పాపిటబిళ్ళ తప్ప మరే ఇతర ఆభరణాలు దరించలేదు కానీ ఆ ఒక్క ఆభరణం నభకు ఓ యువరాణి లాంటి లుక్ తీసుకొచ్చింది.

నభ ఈ సినిమాలోనే కాకుండా మరో రెండు సినిమాల్లో నటిస్తోంది. మాస్ మహారాజా హీరోగా తెరకెక్కుతున్న 'డిస్కోరాజా'.. సంతోష్ శ్రీనివాస్ - బెల్లంకొండ శ్రీనివాస్ కాంబినేషన్ లో తెరకెక్కుతున్న మరో సినిమాలో కూడా హీరోయిన్ గా నటిస్తోంది. ఈ రెండు సినిమాల మేకర్స్ కూడా నభకు పుట్టిన రోజు శుభాకాంక్షలు తెలిపారు.