ఎన్టీఆర్ ఫ్యాన్స్ కోరే బర్త్ డే సర్ప్రైజ్.. వేరే ఉంది??

టాలీవుడ్ యంగ్ టైగర్ ఎన్టీఆర్ పుట్టినరోజుకు ఇంకా రెండు రోజుల సమయం మాత్రమే ఉండటంతో నందమూరి అభిమానులు పలు క్రేజీ అప్డేట్స్ కోసం ఎదురుచూస్తున్నారు. అందులో మొదటి నుండి ఆర్ఆర్ఆర్ న్యూ పోస్టర్ ఉన్నప్పటికీ అభిమానులు కోరుకునేవి ఇంకా చాలా ఉన్నాయని అనిపిస్తుంది. ఎందుకంటే ఆర్ఆర్ఆర్ కాకుండా ఎన్టీఆర్ త్వరలో తదుపరి సినిమాలు చేయనున్నాడు. కానీ ఆల్రెడీ ఓ సినిమా పై క్లారిటీ వచ్చినప్పటికి ఫ్యాన్స్ ఎక్సపెక్ట్ చేస్తుంది మాత్రం ఎన్టీఆర్ 31 మూవీ గురించి అని అర్ధమవుతుంది.

తాజా సమాచారం ప్రకారం.. ఎన్టీఆర్ ఫ్యాన్స్ ఖచ్చితంగా ఎక్సపెక్ట్ చేస్తుంది మాత్రం డైరెక్టర్ ప్రశాంత్ నీల్ కాంబినేషన్ మూవీ పై అప్డేట్. గతంలో వీరి కాంబినేషన్ లో ఓ సినిమా ఉండబోతుందని మైత్రి మూవీ మేకర్స్ వారు ప్రకటించారు. కానీ ఏమైందో గాని ఆ సినిమా ప్రకటన వరకే మిగిలిపోయింది. ప్రశాంత్ కూడా అటు డార్లింగ్ ప్రభాస్ తో సలార్ సినిమా చేస్తున్నాడు. అయితే ఇటీవలే మళ్లీ ప్రశాంత్ - ఎన్టీఆర్ సినిమా పై వార్తలు హల్చల్ చేస్తున్నాయి. ఆర్ఆర్ఆర్ నుండి పోస్టర్ రిలీజ్ చేస్తారని గట్టిగానే ఫిక్స్ అయ్యారు కానీ ఇంకా ఆర్ఆర్ఆర్ బృందం నుండి ఎలాంటి కన్ఫర్మేషన్ రాలేదు.

మరి కొమరం భీమ్ పోస్టర్ వచ్చినా రాకపోయినా ఆర్ఆర్ఆర్ నుండి ఫ్యాన్స్ కోరుతుంది మాత్రం రిలీజ్ డేట్ మాత్రమే. ఒకవేళ పోస్టర్ రిలీజ్ చేస్తే మాత్రం ఖచ్చితంగా దానితో పాటే సినిమా రిలీజ్ డేట్ కూడా ప్రకటిస్తే బాగుంటుందని అంటున్నారు. అయితే ఈ సినిమా తర్వాత ఎన్టీఆర్ - కొరటాల శివతో 30వ సినిమా చేయబోతున్నాడు. ఇప్పటికే స్క్రిప్ట్ దశలో ఉన్నటువంటి ఆ సినిమా అనంతరం ఒకటి ప్రశాంత్ నీల్ లేదా డైరెక్టర్ బుచ్చిబాబులతో సినిమా ఉండబోతుందని టాక్ నడుస్తుంది. మరి బుచ్చిబాబు నెక్స్ట్ మూవీ కూడా మైత్రి బ్యానర్ అని తెలిసిందే. మరి ఎన్టీఆర్ తో నెక్స్ట్ సినిమా ఛాన్స్ ఎవరికీ దక్కుతుందో చూడాలి. ఎలాంటి సర్ప్రైజ్ ఇస్తారో అని ఉత్సాహంగా ఫ్యాన్స్ వెయిట్ చేస్తున్నారు.