వెంకటేష్‌ కు పవన్‌ ఇంకా ప్రముఖుల బర్త్‌ డే విషెష్‌

సీనియర్‌ స్టార్‌ హీరో వెంకటేష్‌ బర్త్‌ డే సందర్బంగా నేడు ఆయనకు సినీ ప్రముఖులు పలువురు పుట్టిన రోజు శుభాకాంక్షలు తెలియజేశారు. చిరంజీవి.. పవన్‌ కళ్యాణ్‌ సహా పలువురు వెంకీ తో ఉన్న అనుబంధాన్ని గుర్తు చేసుకుని పుట్టిన రోజు శుభాకాంక్షలు తెలియజేశారు. వివాదాలకు దూరంగా ఉంటూ అందరితో సన్నితంగా ఉంటూ మంచి మనసున్న వ్యక్తిగా వెంకటేష్ పేరు దక్కించుకున్నారు. ఇండస్ట్రీలో ప్రతి ఒక్కరితో స్నేహం కలిగి ఉన్న వెంకటేష్‌ కు పవన్‌ కళ్యాణ్‌ ప్రత్యేకంగా ఒక ప్రెస్‌ నోట్‌ విడుదల చేసి మరీ అందులో బర్త్‌ డే శుభాకాంక్షలను తెలియజేశాడు.

వెంకటేష్‌ గారితో నాకు చాలా కాలంగా పరిచయం ఉంది. ఆయన మంచి మనసున్న వ్యక్తి. ఆయన బాగా చదవడంతో పాటు ఆధ్యాత్మిక చింతన ఉన్న వ్యక్తి. ఆద్యాత్మిక సంబంధిత పుస్తకాలను ఎక్కువగా చదువుతూ నాతో ఆ విషయాలను చర్చిస్తూ ఉండేవారు. ఆ సంభాషణలే మా ఇద్దరి మద్య స్నేహంను పెంచాయి. ఆ స్నేహంతోనే కలిసి సినిమాలో నటించేలా చేసింది. ఆయన మరిన్ని విజయాలను అందుకుని ప్రేక్షకులను మెప్పించాలని ఆశిస్తున్నాను అంటూ వెంకటేష్‌ కు పవన్‌ పుట్టిన రోజు శుభాకాంక్షలు తెలియజేశాడు.

ట్విట్టర్‌ ద్వారా పలువురు సినీ ప్రముఖులు.. ఆయన సన్నిహితులు పుట్టిన రోజు శుభాకాంక్షలు తెలియజేశాడు. వెంకీ పుట్టిన రోజు సందర్బంగా 'ఎఫ్‌ 3' సినిమా ఫస్ట్‌ లుక్‌ ను విడుదల చేశారు.. ఇదే సమయంలో నారప్ప సినిమా చిన్న ప్రోమోను కూడా వదిలారు. మా తరపున కూడా మరోసారి వెంకీ మామకు పుట్టిన రోజు శుభాకాంక్షలు.