ప్ర‌భాస్ కోసం రంగంలోకి బ్లాక్ బ‌స్ట‌ర్ డైరెక్ట‌ర్?

యూనివ‌ర్స‌ల్ స్టార్ క‌మ‌ల్ హాస‌న్ తో ఈ ఏడాది ఊహించ‌ని విధంగా 'విక్ర‌మ్‌'తో బ్లాక్ బ‌స్ట‌ర్ మూవీని అందించిన సంచ‌ల‌న విజ‌యాన్ని సొంతం చేసుకుని ద‌ర్శ‌కుడు లోకేష్ క‌న‌గ‌రాజ్‌ టాక్ ఆఫ్ ది ఇండ‌స్ట్రీగా నిలిచిన విష‌యం తెలిసిందే. దాదాపు నాలుగేళ్ల విరామం త‌రువాత క‌మ‌ల్ కు బ్లాక్ బ‌స్ట‌ర్ హిట్ ని అందించ‌డ‌మే కాకుండా క‌మ‌ల్ కెరీర్ కి స‌రికొత్త జోష్ ని అందించాడు లోకేష్ క‌న‌గ‌రాజ్‌. దీంతో ప్ర‌తీ స్టార్ హీరో దృష్టి లోకేష్ క‌న‌గ‌రాజ్ పై ప‌డింది.

అయితే లోకేష్ క‌న‌గరాజ్ మాత్రం త్వ‌ర‌లో ద‌ళ‌ప‌తి విజ‌య్ 67వ ప్రాజెక్ట్ ని తెర‌కెక్కించ‌బోతున్నాడు. ఇందుకు సంబంధించిన ప్రీ ప్రొడ‌క్ష‌న్ వ‌ర్క్ జ‌రుగుతోంది. అన్నీ ఫైన‌ల్ అయ్యాక ఈ ప్రాజెక్ట్ ని ఈ డిసెంబ‌ర్ లేదా.. వ‌చ్చే ఏడాది సెట్స్ పైకి తీసుకెళ్ల‌డానికి రంగం సిద్ధం చేస్తున్నాడు. విజ‌య్ తో 'మాస్ట‌ర్' మూవీని రూపొందించిన లోకేష్ క‌న‌గ‌రాజ్ మ‌రోసారి విజ‌య్ తో క‌లిసి చేస్తున్న సినిమా ఇదే కావ‌డంతో ఈ ప్రాజెక్ట్ పై భారీ అంచ‌నాలు నెల‌కొన్నాయి.

ఇదిలా వుంటే లోకేష్ క‌న‌గ‌రాజ్ పై తాజాగా మ‌రో ఆస‌క్తిక‌ర‌మైన వార్త సోష‌ల్ మీడియాలో వైర‌ల్ అవుతోంది. త్వ‌ర‌లో విజ‌య్ హీరోగా భారీ సినిమాకు శ్రీ‌కారం చుట్ట‌బోతున్న లోకేష్ క‌న‌గ‌రాజ్ పాన్ ఇండియా స్టార్ ప్ర‌భాస్ తో సినిమా చేయ‌డానికి చ‌ర్చ‌లు జ‌రుపుతున్న‌ట్టుగా వార్త‌లు వినిపిస్తున్నాయి. ప్ర‌భాస్ కూడా 'విక్ర‌మ్‌' చిత్రాన్ని తెర‌కెక్కించిన విధానంగా ఆక‌ట్టుకోవ‌డంతో లోకేష్ తో క‌లిసి వ‌ర్క్ చేయాల‌నుకుంటున్నాడ‌ట‌.

ప్ర‌స్తుతం తొలి ద‌శ చ‌ర్చ‌లు పూర్త‌య్యాయి, ఇటీవ‌లే మ‌లిద‌శ చ‌ర్చ‌లు మొద‌ల‌య్యాయని ఇన్ సైడ్ టాక్‌. ఇదే నిజ‌మైతే ప్ర‌భాస్ లైన‌ప్ ఓ రేంజ్ లో సెట్ట‌యిన‌ట్టే. ప్ర‌స్తుతం 'ఆది పురుష్‌, స‌లార్‌, ప్రాజెక్ట్ కె సినిమాల‌తో పాటు మారుతి డైరెక్ష‌న్ లో హార‌ర్ థ్రిల్ల‌ర్ చేస్తున్న ప్ర‌భాస్ వీటి త‌రువాత సందీప్ రెడ్డి వంగ‌తో 'స్పిరిట్‌'ని చేయ‌బోతున్న విష‌యం తెలిసిందే.

ఈ జాబితాలో లోకేష్ క‌న‌గ‌రాజ్ ప్రాజెక్ట్ కూడా చేరితో ప్ర‌భాస్ ట్రెర్రిఫిక్ లైనప్ సెట్ట‌యిన‌ట్టేన‌ని అంటున్నారు. ఇది కేలం గాసిపేనా.. లేక రియ‌ల్ గానే లోకేష్ క‌న‌గ‌రాజ్ .. ప్ర‌భాస్ తో సినిమాకు ట్రై చేస్తున్నాడా? అన్నది తెలియాలంటే మ‌రి కొన్ని రోజులు వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.