బ్ల‌డీమేరీ: ఎవ‌రీ శేఖ‌ర్ బాబు?

వెండితెర‌పై విభిన్న‌మైన చిత్రాల‌తో ఆక‌ట్టుకుంటున్న యంగ్ డైరెక్ట‌ర్స్ కాన్సెప్ట్ ఓరియెంటెడ్ మూవీస్ ని కూడా తెర‌కెక్కిస్తూ స‌ర్ ప్రైజ్ చేస్తున్నారు. 'కార్తీకేయ‌' చిత్రంతో టాలెంటెడ్ డైరెక్ట‌ర్ గా మంచి గుర్తింపుని సొంతం చేసుకున్న చందూ మొండేటి ప్ర‌స్తుతం 'కార్తికేయ‌' కు సీక్వెల్ గా 'కార్తికేయ 2'ని తెర‌కెక్కిస్తున్నారు. నిఖిల్ హీరోగా న‌టిస్తున్న ఈ మూవీ ప్ర‌స్తుతం చిత్రీక‌ర‌ణ ద‌శ‌లో వుంది. టీజీ విశ్వ‌ప్ర‌సాద్‌, అభిషేక్ అగ‌ర్వాల్ ఈ చిత్రాన్ని సంయుక్తంగా నిర్మిస్తున్నారు. అనుప‌మ ప‌ర‌మేశ్వ‌ర‌న్‌ హీరోయిన్ లుగా న‌టిస్తున్నారు.

ఇదిలా వుంటే చందూ మొండేటి ఆహా ఓటీటీ కోసం తెర‌కెక్కించిన సీట్ ఎడ్జ్ థ్రిల్ల‌ర్ 'బ్ల‌డీ మేరీ'. నివేదా పేతురాజ్ కీల‌క పాత్ర‌లో న‌టించింది. ఈ వెబ్ ఒరిజిన‌ల్ థ్రిల్ల‌ర్ ని పీపుల్ మీడియా ప్యాక్ట‌రీ బ్యాన‌ర్ పై టి.జి.విశ్వ‌ప్క‌ర‌సాద్ నిర్మించారు. త్వ‌ర‌లో ఆహా ఓటీటీలో ఈ మూవీ స్ట్రీమింగ్ కాబోతోంది.

కాన్సెప్ట్ ఓరియెంటెడ్ థ్రిల్ల‌ర్ గా తెర‌కెక్కిన ఈ మూవీ చందూ మొండేటి డిజిట‌ల్ ప్లాట్ ఫామ్ ఓటీటీ కోసం చేసిన తొలి ఒరిజిన‌ల్ కావ‌డం విశేషం.

ఈ చిత్రంలోని టైటిల్ పాత్ర‌లో న‌టించిన నివేదా పేతురాజ్ క్యారెక్ట‌ర్ ఫ‌స్ట్ లుక్ ని మార్చిలో విడుద‌ల చేశారు. ఫ‌స్ట్ లుక్ లో నివేదా పేతురాజ్ న‌ర్స్ డ్రెస్ లో ఇంటెన్స్ లుక్ లో క‌నిపిస్తూ నైఫ్ ని పెన్నులా ప‌ట్టుకుని క‌నిపిస్తుండ‌గా దాని చివ‌ర‌ణ బ్ల‌డ్ కారుతున్న తీరు 'బ్లడీ మేరీ' ఎలా వుండ‌బోతోందో స్ప‌ష్టం చేసింది. ఇదిలా వుంటే తాజాగా మేక‌ర్స్ ఇందులోని మ‌రో పాత్ర‌ని ప‌రిచ‌యం చేస్తూ తాజాగా మ‌రో పోస్ట‌ర్ ని విడుద‌ల చేశారు.

ఈ చిత్రంలో బ్ర‌హ్మాజీ ఓ కీ రోల్ ని పోషిస్తున్నారు. ఆ పాత్ర‌కు సంబంధించిన లుక్ ని తాజాగా రిలీజ్ చేశారు. శేఖ‌ర్‌ బాబుగా బ్ర‌హ్మాజీ క‌నిపించ‌నున్నార‌ట. బ్లాక్ క‌ట్ బ‌నియ‌న్..1111 నోకియా ఫోన్ ప‌ట్టుకుని చేతికి క‌డియం వేసుకుని న‌వ్వుతూ క‌నిపిస్తున్న బ్ర‌హ్మాజీ లుక్ ఆక‌ట్టుకుంటోంది. ఇంత‌కీ ఈ శేఖ‌ర్ బాబు ఎవ‌రు? అత‌ని క‌థేంటీ? అన్న‌ది తెలియాలంటే సినిమా చూడాల్సిందే.

ఇటీవ‌ల 'డీజే టిల్లు' చిత్రంలో మంచి క్యారెక్ట‌ర్ చేసిన బ్ర‌హ్మాజీకి 'బ్ల‌డీ మేరీ'లోనూ అంత‌కు మించిన పాత్ర ల‌భించింద‌ని చెబుతున్నారు. త్వ‌ర‌లో ఆహాలో స్ట్రీమింగ్ కానున్న ఈ ఓటీటీ ఒరిజిన‌ల్ లో కిరీటీ దామ‌రాజు, రాజ్ కుమార్ కాశీరెడ్డి, అజ‌య్ కీల‌క పాత్ర‌ల్లో న‌టించారు.