అనుమానాస్పద స్థితిలో ప్రముఖ కమెడియన్ మృతి

ప్రముఖ అమెరికన్ కమెడియన్ బాబా సాగేట్ అనుమానాస్పద స్థితిలో హోటల్ రూంలో శవమై కనిపించాడు. ఫ్లోరిడాలోని ఓ హోటల్ గదిలో సాగేట్ శవమై కనిపించడం పలు అనుమానాలకు తావిస్తోంది. మరణానికి కొన్ని గంటల ముందు కూడా ఆయన చేసిన షో గురించి సరదాగా ట్వీట్ చేయడం గమనార్హం.

గత రాత్రి ఓర్లాండోలోని రిట్జ్ -కార్ల్ టన్ లోని హోటల్ లో సాయంత్రం 4 గంటల తర్వాతి నుంచి సాగేట్ గదిలోంచి బయటకు రాకపోవడం.. ఎలాంటి స్పందన లేకపోవడంతో సిబ్బంది పోలీసులకు సమాచారం అందించాడు.

అక్కడికి చేరుకున్న పోలీసులు ఘటనా స్థలాన్ని పరిశీలించి అక్కడ ఎలాంటి డ్రగ్స్ లేవని ధ్రువీకరించారు. ప్రస్తుతం సాగేట్ మృతికి గల కారణాలపై ఆరాతీస్తున్నారు.

అమెరికన్ కమెడియన్ అయిన బాబ్ సాగేట్ కు భారీ ఫ్యాన్ ఫాలోయింగ్ ఉంది. 1956 మే 17న అమెరికాలోనే జన్మించాడు. 1887 నుంచి 1995 వరకు ప్రసారమైన ఏబీసీ టెలివిజన్ షో 'ఫుల్ హౌస్'లో డానీ టాన్నర్ పాత్రతో పాపులర్ అయ్యాడు. దీన్ని సీక్వెల్ గానే 'ఫుల్ హౌస్' పేరుతో నెట్ ఫ్లిక్స్ లో ఓ పాపులర్ వెబ్ సిరీస్ కూడా తెరకెక్కిన సంగతి తెలిసిందే.