బొగ్గు గనిలో.. సారు జోరు మస్తుందే!

క్రాంతి మాధవ్ దర్శకత్వంలో విజయ్ దేవరకొండ హీరోగా నటిస్తున్న చిత్రం 'వరల్డ్ ఫేమస్ లవర్'. ఈ సినిమాలో రాశి ఖన్నా.. కేథరిన్ ట్రెసా.. ఐశ్వర్య రాజేష్.. ఎలిజబెత్ లీట్ హీరోయిన్లు గా నటిస్తున్నారు. వాలెంటైన్స్ డే సందర్భంగా ఫిబ్రవరి 14 న రిలీజ్ కానున్న ఈ చిత్రానికి ప్రచార కార్యక్రమాలు ఊపందుకుంటున్నాయి. తాజాగా ఈ సినిమా నుండి బొగ్గు గనిలో అంటూ సాగే లిరికల్ సాంగ్ ను విడుదల చేశారు.

ఈ సినిమాకు గోపి సుందర్ సంగీత దర్శకుడు. బొగ్గు గనిలో పాటకు సాహిత్యం అందించినవారు రామ జోగయ్య శాస్త్రి. పాడినవారు నిరంజ్ సురేష్. "సారూ మస్తుంది నీ జోరు...గేరు మార్చింది నీలో హుషారు డోరు తీసిందిలే పోరి ప్యారు బురుబుర్రు మోటారు కారు" అంటూ సరదాగా ప్రారంభమైన పాట "బొగ్గు గనిలో రంగు మణిరా చమక్కు మందిరా చిక్కినాదిరా దక్కినాదిరా" అంటూ ఆసక్తికరంగా సాగింది. ట్యూన్ సూపర్ అని చెప్పలేం కానీ వినగా వినగా నచ్చేలా ఉంది. ఇక సురేష్ ఈ పాటను ఎంతో ఎనర్జీతో పాడారు.

విజయ్ దేవరకొండ.. కేథరిన్ విజువల్స్ అందంగా ఉన్నాయి. విజయ్ ఈ పాటలో గనిలో పనిచేసే మధ్యతరగతి వ్యక్తిలాగా కనిపిస్తున్నాడు. కేథరిన్ మాత్రం ఒక ధనికురాలైన అమ్మాయిగా కనిపిస్తోంది. మరి ఈ ఇద్దరి మధ్య లవ్ ఎలా పుట్టిందో.. ఏం జరిగిందో తెలియాలంటే మాత్రం సినిమా విడుదల అయ్యేవరకూ వేచి చూడాల్సిందే. అంతలోపు బొగ్గు గనిలో పాటను చూసేయండి..