రెండోసారి హనీమూన్ కు వెళ్లిన 'వైల్డ్ డాగ్' భామ..!

బాలీవుడ్ భామ దియా మీర్జా రెండోసారి హనీమూన్ కి వెళ్ళింది. ఇటీవల బిజినెస్ మేన్ వైభవ్ రేఖిని రెండో పెళ్లి చేసుకున్న దియా.. హనీమూన్ కోసం మాల్దీవులలో ప్రత్యక్షమైంది. అక్కడ భర్తతో కలిసి ఎంజాయ్ చేస్తున్న ఈ బ్యూటీ.. ఆ ఫోటోలను సోషల్ మీడియా మధ్యమాలలో షేర్ చేసింది. ఈ ఫోటోలని తన హస్బెండ్ తీసినట్లు క్యాప్షన్ పెట్టింది దియా. ప్రస్తుతం ఈ ఫోటోలు నెట్టింట హల్ చల్ చేస్తున్నాయి.

2000లో మిస్ ఆసియా పసిఫిక్ ఇంటర్నేషల్ టైటిల్ గెలుపొందిన దియామీర్జా.. బాలీవుడ్ హీరోయిన్ గా వెలుగొందింది. ఈ క్రమంలో 2014లో సాహిల్ సంఘ అనే వ్యాపారవేత్తని పెళ్లాడిన దియా.. 2019లో అతనితో విడిపోయింది. దాదాపు రెండేళ్లు ఒంటరి జీవితం గడిపి గత ఫిబ్రవరి లో వైభవ్ ను వివాహం చేసుకుంది. ఇప్పుడు మరోసారి హనీమూన్ కోసం మాల్దీవులకు వెళ్లి ఎంజాయ్ చేస్తోంది.

ఇక సినీ కెరీర్ విషయానికొస్తే.. దియా మీర్జా సినిమాలతో పాటుగా వెబ్ సిరీస్ లలో కూడా నటిస్తోంది. ఈ క్రమంలో కింగ్ అక్కినేని నాగార్జున హీరోగా నటిస్తున్న ''వైల్డ్ డాగ్'' సినిమాలో ఆయనకు జోడీగా కనిపించనుంది. ఇది ఆమెకు మొదటి తెలుగు సినిమా. ఈ నేపథ్యంలో ఇటీవల మాట్లాడుతూ తెలుగు సినిమా చేయాలని ఎప్పటి నుంచో అనుకుంటున్నానని.. తన ఫేవరెట్ హీరోతో కలిసి నటించినందుకు హ్యాపీగా ఉందని దియా మీర్జా చెప్పుకొచ్చింది.