తెర‌పైకి రాక ముందే ఖాన్ డాట‌ర్ మంట‌లు

ఇంకా తెరంగేట్రం చేయ‌క ముందే మంట‌లు పుట్టించ‌డ‌మెలానో స్టార్ డాట‌ర్స్ కి స్ప‌ష్ఠంగా తెలుసు. ఇక్క‌డ గురూస్ శిక్ష‌ణ‌లో రాటు దేలి గ్లామ్ వ‌ర‌ల్డ్ ని షేక్ చేసేందుకు ఎంతమాత్రం వెన‌కాడ‌రు. ఇటీవ‌ల‌ సారా అలీఖాన్ - జాన్వీ క‌పూర్ - అన‌న్య పాండే ఇందుకు ఉదాహ‌ర‌ణ‌. ఈ ముగ్గురు భామ‌లు నిరంత‌రం స్పాట్ లైట్ లో సంచ‌ల‌నాలుగా మారుతున్నారు. ఇటీవ‌ల డెబ్యూ ఇస్తున్న సంజ‌య్ క‌పూర్ వార‌సురాలు స‌న‌య క‌పూర్ సంచ‌ల‌నాలు మొద‌ల‌య్యాయి. ఇక‌పై కింగ్ ఖాన్ వార‌సురాలు బ‌రిలో దిగుతోంది. జాన్వీ సోద‌రి ఖుషీ కపూర్.. కింగ్ ఖాన్ వార‌సురాలు సుహానా ఖాన్ ఇంచుమించు ఒకేసారి రంగంలోకి దించుతున్నారు.

షారుఖ్ ఖాన్ కుమార్తె సుహానా ఖాన్ ఏడాది కిందట ఓ ఫోటోషూట్ తో ఒక్కసారిగా గ్లామ్ వ‌ర‌ల్డ్ లో హాట్ టాపిక్ గా మారిన సంగ‌తి తెలిసిందే. త్వ‌ర‌లోనే సినీఆరంగేట్రం చేయ‌నున్న ఈ బ్యూటీ ఫోటోలు వీడియోలు అంత‌ర్జాలాన్ని షేక్ చేస్తున్నాయి. సుహానా తన తాజా ఫోటోషూట్ లో బ్యాక్ లెస్ ఫోజ్ తో సంచల‌నంగా మారింది. సుహానా ఖాన్ తన ఇన్ స్టాగ్రామ్ స్టోరీస్ లో ఫోటోషూట్ ని షేర్ చేయ‌గా వెబ్ ని హీటెక్కిస్తోంది. షారూఖ్ ఖాన్ - గౌరీ ఖాన్ జంట‌ అందమైన కుమార్తె సుహానా ఇక‌పై తెరంగేట్రం చేయ‌నుండ‌గా తాజా ఫోటోషూట్ హాట్ టాపిక్ గా మారింది.

సుహానా సోషల్ మీడియా లో త‌న ఫోటోషూట్ నుండి ఓ ఫోటోని షేర్ చేయ‌గా.. యూత్ క్లిక్ లు లైక్ ల‌తో విరుచుకుప‌డ్డారు. సుహానా సిల్కీ గౌనులో బ్యాక్ లెస్ ఫోజ్ తో కంటికి కునుకుప‌ట్ట‌నివ్వ‌ని ట్రీటిచ్చింద‌ని ప్ర‌శంస‌లు కురిపిస్తున్నారు. సుహానా చిత్రం రెట్రో యుగం అప్పియ‌రెన్స్ తో అల‌రించింది. ఆమె ఫోటోతో పాటు నల్లటి హృదయ ఈమోజీని పోస్ట్ చేసింది.

సుహానా ఖాన్ తెరంగేట్ర విశేషాల‌కు వ‌స్తే.. ఆర్చీస్ స్ఫూర్తితో నెట్ ఫ్లిక్స్ కోసం రూపొందిస్తున్న ఓ చిత్రంతో సుహానా బాలీవుడ్ లోకి అడుగుపెట్టబోతోంది. గ‌ల్లీబోయ్స్ ఫేం జోయా అక్త‌ర్ ఈ చిత్రానికి దర్శకత్వం వహిస్తున్నారు. ఇదే చిత్రంతో ఖుషీ కపూర్ ... అగస్త్య నంద .. జహాన్ కపూర్ కూడా తెర‌కు ప‌రిచ‌య‌మ‌వుతుండ‌డం విశేషం. ఇది ఒక మ్యూజిక‌ల్ డ్రామా నేప‌థ్యంలో సాగ‌నుంది.

నిన్ననే వారి లుక్ టెస్ట్ నుండి చిత్రాలు ఆన్ లైన్ లో లీక్ అయ్యాయి. సుహానా- ఖుషీ- అగస్త్య లుక్స్ మీడియాలో లీక్ అయ్యాయి. సుహానా వెరోనికా లాడ్జ్ పాత్రలో నటిస్తుందని.. అగస్త్య ఆర్చీ ఆండ్రూస్ గా కనిపిస్తారని.. మరోవైపు ఖుషీ మ్యూజికల్ డ్రామా చిత్రంలో బెట్టీ కూపర్ పాత్రను పోషించనుందని గుస‌గుస‌లు వినిపిస్తున్నాయి. ఈ చిత్రాన్ని టైగర్ బేబీ- గ్రాఫిక్ ఇండియా సంయుక్తంగా నిర్మించనున్నాయి. దీనికి సంబంధించిన మరిన్ని వివరాలు వెల్లడి కావాల్సి ఉంది.

జోయా అక్తర్ తన కొత్త ప్రాజెక్ట్‌ను ప్రకటిస్తూ, ``ది ఆర్చీస్ కు ప్రాణం పోసే అవకాశం లభించినందుకు నేను చాలా సంతోషిస్తున్నాను. ఇది నా బాల్యం యుక్తవయస్సులో ఒక‌ భాగమైన క‌థ‌. పాత్రలు ఐకానిక్ క్వాలిటీతో ప్రపంచవ్యాప్తంగా ఇష్టపడతారు. అందుకే నేను కొంచెం భయాందోళనకు గురయ్యాను. ఈ చిత్రం కామిక్ అంటే ప‌డి చ‌చ్చే నేటి యువత‌రాన్ని ప్రతిబింబించే విధంగా ఉంటుంది`` అని తెలిపారు.