కారులో అతడితో సూపర్‌ స్టార్‌ కూతురు.. మొహం దాచుకున్న స్టార్‌ కిడ్‌

బాలీవుడ్‌ సూపర్‌ స్టార్‌ షారుఖ్‌ ఖాన్‌ కూతురు సుహానా ఖాన్ హీరోయిన్ గా ఎంట్రీ ఇచ్చే రోజు అతి త్వరలోనే ఉంది. ఇప్పటికే ఆమె సినిమాలకు సంబంధించిన చర్చలు జరుగుతున్నాయి. ఆ మద్య ఒక ఫిల్మ్‌ మేకర్‌ ఆఫీస్ వద్ద సుహానా ఖాన్ కనిపించడం తో ఈమె సినిమా ఎంట్రీ మరింతగా కన్ఫర్మ్‌ అయ్యింది. ఈ సమయంలోనే ఈ అమ్మడు కారులో ప్రియుడితో కలిసి కనిపించడం చర్చనీయాంశంగా మారింది.

సుహానా ఖాన్‌ ప్రేమలో ఉందనే వార్తలు చాలా రోజులుగా వస్తున్నాయి. కాని ఎవరితో ఏంటీ అనే విషయం లో మాత్రం స్పష్టత లేదు. కాని తాజాగా ఒక వ్యక్తితో కారులో సుహానా ఖాన్‌ కనిపించడం.. ఆ సమయంలో తన మొహం దాచుకునేందుకు ప్రయత్నించడం తో ఖచ్చితంగా అతడు ప్రియుడు అయ్యి ఉంటాడు అంటూ జాతీయ మీడియా ఇబ్బడి ముబ్బడిగా కథనాలు అల్లేస్తుంది. అసలు విషయం ఏంటీ అనేది తెలియాల్సి ఉంది.

షారుఖ్ ఖాన్‌ కూతురు కనుక చిన్నప్పటి నుండే జనాల్లో ఈమె ఆధరణ భారీగా ఉంది. కనుక ఖచ్చితంగా ప్రతి విషయంలో కూడా ఈమె కు సంబంధించిన విషయాలను జనాలు లోతుగా చూస్తూ ఉంటారు. స్నేహితుడితో కలిసి కారులో ప్రయాణించినా కూడా మీడియా లో రకరకాలుగా పుకార్లు వస్తాయి. ఆమె స్టార్‌ సెలబ్రెటీ కనుక ఇలాంటి పుకార్లు కామన్‌.

తాజాగా ఆమె పక్కన కారులో ఉన్నది ఎవరు అనే విషయమై స్పష్టత రావడం లేదు. స్నేహితుడు అయితే మొహం దాచుకోవాల్సిన అవసరం లేదు అంటూ కొందరు కామెంట్స్ చేస్తున్నారు. మరి కొందరు మాత్రం ఈ విషయంలో మీడియా అతి ప్రవర్తన అవసరం లేదు అన్నట్లుగా కామెంట్స్ చేస్తున్నారు. సుహానా ఖాన్ స్టార్‌ కిడ్ అయినా కూడా తనకు ఒక పర్సనల్‌ లైఫ్ ఉంటుంది. దాన్ని పబ్లిక్ గా ఇలా బహిర్గతం చేయడం సబబు కాదు అనేది కొందరి అభిప్రాయం.