ఏంటీ.. ప్రభాస్ కు జోడీగా ఇద్దరు పిల్లల తల్లా..? నిజమేనా..?

యంగ్ రెబల్ స్టార్ ప్రభాస్ ప్రస్తుతం వరుస పాన్ ఇండియా చిత్రాలతో దూసుకుపోతున్నారు. ఇప్పటికే మూడు ప్రాజెక్ట్స్ ను సెట్స్ మీదకు తీసుకొచ్చిన డార్లింగ్.. "స్పిరిట్" అనే క్రేజీ మూవీలో నటించనున్న సంగతి తెలిసిందే. ఇది ప్రభాస్ కు సిల్వర్ జూబ్లీ సినిమా. 'అర్జున్ రెడ్డి' సినిమాతో సంచలనం సృష్టించిన డైరెక్టర్ సందీప్ రెడ్డి వంగా దర్శకత్వంలో ఈ మూవీ తెరకెక్కనుంది.

"స్పిరిట్" సినిమాలో ప్రభాస్ పోలీస్ పాత్రలో కనిపించబోతున్నారని టాక్. అధికారికంగా ప్రకటించనప్పటికీ టైటిల్ పోస్టర్ ని బట్టి ఇది నిజమేననిపిస్తోంది. ఇప్పటి వరకు అలాంటి పాత్రలో నటించని ప్రభాస్.. తొలిసారి ఖాకీ ధరించి, లాఠీ పట్టుకోనున్నారని తెలియడంతో ఫ్యాన్స్ ఖుషీ అవుతున్నారు. అయితే ఈ మూవీ గురించి లేటెస్టుగా ఓ రూమర్ నెట్టింట హల్ చల్ చేస్తోంది.

అదేంటంటే.. 'స్పిరిట్' చిత్రంలో ప్రభాస్ సరసన హీరోయిన్‌ గా బాలీవుడ్ బ్యూటీ కరీనా కపూర్‌ ఖాన్ ను తీసుకోవాలని భావిస్తున్నారట. పెళ్లయ్యి ఇద్దరు పిల్లల తల్లైనా కూడా కరీనా కపూర్ ప్రస్తుతం బాలీవుడ్‌ లో వరుసగా సినిమాలు చేస్తోంది. వచ్చే నెలలో 'లాల్ సింగ్ చద్దా' చిత్రంతో పలకరించబోతోంది.

ఇప్పుడు కరీనా అయితే ప్రభాస్ కు జోడిగా పర్ఫెక్ట్‌ గా సూట్ అవుతుందని మేకర్స్ అనుకుంటున్నారట. పాన్ వరల్డ్ ప్రాజెక్ట్ కావడంతో ఆమె ఇమేజ్ కూడా తోడవుతుందని నమ్ముతున్నారట. దీని కోసం ఆమెకు భారీ మొత్తంలో రెమ్యునరేషన్ ఇవ్వడానికి నిర్మాతలు రెడీ అయ్యారని అంటున్నారు.

మరి 'స్పిరిట్' సినిమాలో నిజంగానే కరీనా ని తీసుకుంటారా లేక వేరొక హీరోయిన్‌ ను ఎంపిక చేస్తారా అనేది తెలియాలంటే ఇంకొన్నాళ్లు వేచి చేయాల్సిందే. టీసిరీస్ - యూవీ క్రియేషన్స్ - భద్రకాళి పిక్చర్స్ సంయుక్తంగా భారీ బడ్జెట్ తో ఈ చిత్రాన్ని నిర్మించనున్నాయి. భారతీయ భాషలతో పాటుగా మాండరిన్ - జపనీస్ మరియు కొరియా భాషల్లో విడుదల చేయనున్నట్లు మేకర్స్ ప్రకటించారు.

ఇకపోతే ప్రభాస్ ప్రస్తుతం బాలీవుడ్ డైరెక్టర్ ఓంరౌత్ దర్శకత్వంలో 'ఆదిపురుష్' సినిమా చేస్తున్నారు. ఇందులో కృతి సనన్ హీరోయిన్ గా కనిపించనుంది. అలానే ప్రశాంత్ నీల్ తో కలిసి చేస్తున్న 'సలార్' మూవీలో శృతి హాసన్ ని కథానాయికగా తీసుకున్నారు. నాగ్ అశ్విన్ దర్శకత్వంలో తెరకెక్కే 'ప్రాజెక్ట్ K' చిత్రంలో దీపికా పదుకునే హీరోయిన్ గా నటిస్తుండగా.. దిశా పటానీ కీలక పాత్ర పోషిస్తోంది