ప్రభాస్ తల్లిగా అలనాటి బాలీవుడ్ డ్రీమ్ గర్ల్!

పాన్ ఇండియా స్టార్ ప్రభాస్ హీరోగా బాలీవుడ్ డైరెక్టర్ ఓం రౌత్ దర్శకత్వంలో మైథలాజికల్ సినిమా చేస్తున్న సంగతి తెలిసిందే. ఆదిపురుష్ టైటిల్ తెజో తెరకెక్కనున్న ఈ సినిమాలో ప్రభాస్ రాముడి పాత్రలో కనిపించనున్నాడు. ప్రస్తుతం కేజీఎఫ్ డైరెక్టర్ ప్రశాంత్ నీల్ డైరెక్షన్ లో భారీ యాక్షన్ ఫిల్మ్ సలార్ లో నటిస్తున్నాడు. ఓ వైపు సలార్ చేస్తూనే మరోవైపు ఆదిపురుష్ సినిమా కూడా చేస్తున్నాడు ప్రభాస్.

రామాయణం ఆధారంగా రూపొందిస్తున్న ఈ చిత్రంలో ప్రభాస్ రాముడిగా అద్భుతంగా క్యారెక్టర్ లో సెట్ అవుతాడని ఇదివరకే డైరెక్టర్ చెప్పాడు. మరి ప్రభాస్ రాముడైతే రాముడి తల్లి కౌసల్య పాత్రలో ఎవరు కనిపిస్తారు? అనేది సందేహం నెలకొంది. కానీ ఈ ప్రశ్నకు రాముడి తల్లిగా బాలీవుడ్ నటి, అలనాటి డ్రీమ్ గర్ల్ హేమమాలిని నటించనుందని సమాచారం.

ఈ సినిమా విషయంలో ఆమె పాజిటివ్ స్పందించిందని త్వరలో ప్రాజెక్ట్ పై సంతకం కూడా చేసేందుకు రెడీగా ఉందని టాక్. ఆదిపురుష్ పాన్ ఇండియా మూవీగా తెరకెక్కుతుంది కాబట్టి బాలీవుడ్ దర్శకుడు ఓంరౌత్.. కౌసల్య పాత్రను హేమమాలిని మాత్రమే పోషించాలని కోరుకుంటున్నట్లు తెలుస్తుంది. అయితే ఈ సినిమాలో రావణాసురుడుగా సైఫ్ అలీ ఖాన్ ఆల్రెడీ ఓకే అయిపోయాడు. కానీ రాముడు పక్కన సీత పాత్రలో ఎవరు నటిస్తారని ఆసక్తికరంగా మారింది.

ఈ చిత్రంలోని హీరోయిన్ ఎవరో అలాగే ఇతర తారాగణం ఎవరో వివరాలను మేకర్స్ ఇంకా వెల్లడించలేదు. ప్రస్తుతం ఈ సినిమా విషయాలు తెలుసుకోవడానికి ప్రపంచవ్యాప్తంగా అభిమానులు రెడీగానే ఉన్నారు. ఇదిలా ఉండగా ప్రస్తుతం ప్రభాస్ నటించిన రాధేశ్యామ్ మూవీ విడుదలకు సిద్ధం అవుతోంది.