బాలీవుడ్ కోసమే మహేష్ పోస్టుపోన్

బాహుబలి సినిమాతో సౌత్ సత్తా ఎంతో బాలీవుడ్ హీరో నిర్మాతలుకు బాగానే అర్ధమైనట్లు ఉంది. పైగా బాహుబలి హింది లో పెద్ద్ హిట్ అవ్వడంతో సౌత్ లో ఏ పెద్ద్ స్టార్ తీసిన సినిమా అయిన హిందీలో లో కూడా విడుదలకు సిద్దపడుతున్నారు. తెలుగు వాళ్ళు ఇప్పుడు తమిళ్ లో కూడా విడుదల చేస్తున్నారు. మహేష్ స్పైడర్ కూడా హిందీలో విడుదల చేస్తున్నారట. అలాగని చెప్పి ఇప్పుడు బాలీవుడ్ నానా రచ్చ చేస్తోంది.

నిజానికి స్పైడర్ ఆగష్టు 11 న విడుదల కావలిసి ఉంది. ఇప్పుడు దసరా సందర్భంగా సెప్టెంబర్ కు పోస్టుపోన్ అయ్యింది. ఇప్పుడు ఈ వాయిదా కేవలం బాలీవుడ్ కి భయపడి చేస్తున్నారు అని అక్కడ వాళ్ళు భ్రమలో బతికేస్తున్నారు. నిజానికి ఆగస్టులో కింగ్ ఖాన్ షారూఖ్‌ 'రెహనుమా'.. అలాగే మరో స్టార్ హీరో అక్షయ్ కుమార్ సినిమా ‘టాయ్లెట్ ఏక్ ప్రేమ్ కథ’ కూడా విడుదలవ్వనుంది. ఈ రెండు సినిమాల పోటీ నుండి తప్పించుకోవడానికే పోస్టుపోన్ చేశారని ఇప్పుడు స్పైడర్ గురించి బాలీవుడ్ మీడియా చెబుతోంది. తెలుగులో మంచి డేట్ దొరకలేదనో.. లేదంటే తమిళంలో క్లాష్‌ ఎవాయిడ్ చేస్తున్నారనో చెబితే అర్ధముంది కాని.. బాలీవుడ్ బాబులు వాళ్ళ కోసం పోస్టుపోన్ అంటే మాత్రం కామెడీగానే ఉంది. నిజానికి మురుగదాస్ డైరెక్ట్ చేస్తున్న ఈ సినిమా కొన్ని వి‌ఎఫ్‌ ఎక్స్ పనులు వలన వాయిదా వేస్తున్న విషయం తెలిసిందే.

ఇకపోతే మహేశ్ సినిమాను తమిళ్ హింది లో విడుదల చేస్తున్నారు కాబట్టి క్వాలిటి లో ఏ మాత్రం తగ్గకుండా అన్నీ జాగ్రతలు తీసుకుంటున్నారు మురుగదాస్. ఈ సినిమాలో మహేశ్ స్పై పాత్రలో కనిపిస్తాడు. మహేశ్ కు జంటగా రకుల్ ప్రీత్ సింగ్ నటిస్తోంది. రేపే (మే 31) ఈ సినిమా తొలి టీజర్ వస్తోంది. అది సంగతి.


Like Us on Facebook : https://www.facebook.com/Tupakidotcom/