కామెంట్: వచ్చే ఏడాది సినిమాల పండగే

2016 హిందీ సినిమాలకి పెద్దగా అచ్చి రాలేదు. చెప్పుకోడానికి వంద కోట్ల సినిమాలున్నా.. కథ.. కథనాలపరంగా గొప్పగా కనిపించినప్పటికీ.. ఎంటర్టైన్ పరంగా మాత్రం హిందీ సినిమా ఈ ఏడాది తనదైన ముద్ర వేయలేకపోయింది. జనవరిలో వచ్చిన ఎయిర్ లిఫ్ట్ నుంచి క్రిస్మస్ కి రాబోతున్న దంగల్ వరకు అన్ని రియల్ లైఫ్ ఇన్సిడెంట్స్.. బయోపిక్స్.. జిందగీకి ట్రీట్మెంట్ ఇచ్చే థెరపీ సినిమాలే. ఇలాంటి గొప్ప సబ్జెక్ట్స్ నుంచి సగటు ప్రేక్షకుడికి కావాల్సిన వినోదం ఆశించడం కూడా తప్పే. అందుకే 2016 బాలీవుడ్ కి డల్ ఇయర్ గా మిగిలిపోయింది.

అయితే 2017 ఈ నీరసాన్ని పొగొట్టి ఫుల్ జోష్ ఇచ్చేలా కనిపిస్తోంది. రిలీజ్ కి రెడీ అవుతోన్న.. ఆన్ ద సెట్స్ ఉన్న సినిమాలు చూస్తుంటే వచ్చే ఏడాది బాక్సాఫీస్ మళ్లీ సందడి సందడిగా కనిపించడం ఖాయమనిపిస్తోంది. జనవరిలో షారుక్ ఖాన్- హృతిక్ రోషన్ మధ్య పోటీ కనిపిస్తోంది. రెయిస్ తో రచ్చ చేయడానికి షారుక్.. కాబిల్ తో ఫామ్ లోకి రావాలని హృతిక్ ఆరాటపడ్తున్నారు. ఆ రహా హూ అంటూ ఇప్పటికే రిలీజైన రెయిస్ ట్రైలర్ ఊపేస్తోంది.

ఇక బాక్సాఫీస్ కింగ్ సల్మాన్ బ్యాక్ టూ బ్యాక్ రెండు సినిమాల్ని రెడీ చేస్తున్నాడు. ఎప్పట్లాగే తనకి కలిసొచ్చిన ఈద్ కి ట్యూబ్ లైట్ ని రిలీజ్ చేస్తుండగా.. ఇయర్ ఎండింగ్ లో ఏక్ థా టైగర్ సీక్వెల్ టైగర్ జిందా హై కోసం క్రిస్మస్ ని బ్లాక్ చేశాడు. ఖాన్ల మధ్యలో బాక్సాఫీస్ అంతు చూడటానికి ప్రభాస్ ఎలాగూ రెడీగా ఉన్నాడు. బాహుబలి2తో సమ్మర్ సెలవుల్ని క్యాష్ చేసుకోడానికి పోటీ పడ్తున్నాడు. బాహుబలికున్న క్రేజ్ కి సీక్వెల్ కలెక్షన్స్ మోత మోగించడం ఖాయమంటున్నారు.

ఏ దిల్ హై ముష్కిల్ తో హిట్ ట్రాక్ లో పడ్డ రణబీర్ వచ్చే ఏడాది జగ్గా జాసూస్ గా రాబోతున్నాడు. 2016లో అస్సలు పలకరించని హీరోయిన్ దీపికా పదుకొన్ వచ్చే ఏడాది ఏకంగా హాలీవుడ్ మూవీతో రాబోతుంది. ట్రిపుల్ ఎక్స్ సిరీస్ తో డిష్యూమ్ డిష్యూమ్ చేయబోతుంది. అలాగే నవంబర్లో మరో హిస్టారికల్ మూవీ పద్మావతితో ఆడియెన్స్ ఎంటర్ చేయడానికి రెడీ అవుతోంది. 2016లో ఏ సినిమా చేయని క్వీన్ కంగనా రనౌత్ వచ్చే ఏడాది రంగూన్ తో రాబోతుంది.


Like Us on Facebook : https://www.facebook.com/Tupakidotcom/