అన్నగారు చేసిన పాత్రలో 'ఆర్‌ఆర్‌ఆర్‌' స్టార్‌

సీనియర్‌ ఎన్టీఆర్ స్వీయ దర్శకత్వంలో రూపొందించిన చిత్రం 'చాణక్య చంద్రగుప్త'. ఆ సినిమాలో ఏయన్నార్‌ చాణక్యుడిగా నటించగా చంద్రగుప్తుడిగా ఎన్టీఆర్ నటించాడు. ఇక ఆ తర్వాత ఒక సినిమాలో ఎన్టీఆర్‌ చాణక్య పాత్రలో నటించాడు. ఆ తర్వాత కూడా చాణక్య పాత్ర ఆధారంగా సినిమాలు వచ్చాయి. మళ్లీ ఇన్నాళ్లకు చాణక్య పేరుతో సినిమా రాబోతుంది. ఆ సినిమాలో టైటిల్‌ రోల్‌ ను బాలీవుడ్‌ స్టార్ హీరో అజయ్‌ దేవగన్ నటించబోతున్నాడు. బేబీ.. స్పెషల్‌ చెబ్బీస్‌ సినిమాలను తెరకెక్కించిన దర్శకుడు నీజర్ పాండే ఈ సినిమాకు దర్శకత్వం వహించబోతున్నాడు. అజయ్ దేవగన్ ఇటీవల తనాజీ సినిమాలో నటించాడు. ఆ సినిమాలో మంచి నటనతో ఆకట్టుకున్నాడు.

తనాజీ సినిమాతో ఆకట్టుకున్న అజయ్‌ దేవగన్ ఈ సారి చాణక్య సినిమాతో మెప్పించేందుకు సిద్దం అవుతున్నాడు. ఎన్టీఆర్‌ ఏయన్నార్‌ ల చాణక్య సినిమాలో మాదిరిగానే పాత్రలు ఉంటాయా లేదంటే కాన్సెప్ట్‌ మార్చి ఏమైనా సినిమాను చేయబోతున్నాడా అనేది చూడాలి. ప్రస్తుతం అజయ్‌ దేవగన్‌ ఆర్ఆర్‌ఆర్‌ మరియు మైదాన్‌ సినిమాల్లో కూడా నటిస్తున్న విషయం తెల్సిందే. ఆ సినిమాలు మాత్రమే కాకుండా అజయ్‌ దేవగన్ ఇంకా పలు ప్రాజెక్ట్‌ లు చర్చల దశలో ఉన్నాయి. చాణక్య సినిమాపై ఇండస్ట్రీ వర్గాల్లో అంచనాలు భారీగా ఉన్నాయి.