రౌడీహీరోతో సెల్ఫీలో మెరిసిన బాలీవుడ్ స్టార్స్.. పిక్ వైరల్!

బాలీవుడ్ యంగ్ హీరోయిన్ సారా అలీఖాన్ తాజాగా లైగర్ స్టార్ విజయ్ దేవరకొండతో సెల్ఫీలో కనిపించింది. విజయ్ క్లిక్ చేసిన సెల్ఫీలో సారాతో పాటు లైగర్ నిర్మాతలు కరణ్ జోహార్, ఛార్మి.. అలాగే డాషింగ్ డైరెక్టర్ పూరీ జగన్నాథ్, ఫ్యాషన్ డిజైనర్ మనీష్ మల్హోత్రా మెరిసారు. ఛార్మి ఇంస్టాగ్రామ్ వేదికగా ఈ ఫోటోను పోస్ట్ చేస్తూ.. 'ఆర్టిస్ట్ లను ఆర్ట్ ఒకచోట చేర్చినప్పుడు ఇలాగే ఉంటుంది' అంటూ కాప్షన్ జోడించింది. ప్రస్తుతం ఈ పిక్ సోషల్ మీడియాలో తెగవైరల్ అవుతోంది. అయితే విజయ్ ని ఇదివరకు కలిసినప్పుడే సారా.. తన అభిమానాన్ని వెల్లడించింది. అప్పుడు కూడా విజయ్ తో కలిసి సెల్ఫీని పోస్ట్ చేసింది. అప్పటినుండి సారా విజయ్ త్వరలో ఒకే సినిమాలో దర్శనం ఇస్తారని ఫ్యాన్స్ అంచనా వేస్తున్నారు.

ఇదిలా ఉండగా.. సారా చివరిసారిగా కూలీ నంబర్1 సినిమాలో కనిపించింది. కరోనా మహమ్మారి కారణంగా ఆ సినిమా ఆన్‌లైన్ స్ట్రీమింగ్ అయింది. కార్తీక్ ఆర్యన్ సరసన నటించిన 'లవ్ ఆజ్ కల్' మూవీతో చివరిసారిగా థియేటర్లో అలరించింది. సారా త్వరలో ఆత్రంగి రే సినిమాతో ప్రేక్షకుల ముందుకు రాబోతుంది. ధనుష్ హీరోగా నటిస్తున్న ఈ సినిమాకు ఆనంద్ ఎల్ రాయ్ దర్శకత్వం వహిస్తున్నాడు. అయితే తాజాగా విజయ్ లైగర్ మూవీ కీ షెడ్యూల్ పూర్తి చేసుకొని హైదరాబాద్ చేరుకున్నాడు. పాన్ ఇండియా మూవీగా విడుదల కాబోతున్న ఈ సినిమా సెప్టెంబర్ 9న ఐదు భాషల్లో విడుదల కాబోతుంది. ఈ సినిమాతో అనన్యపాండే హీరోయిన్ గా తెలుగులో ఎంట్రీ ఇవ్వనుంది. ధర్మ ప్రొడక్షన్స్ అండ్ పూరీ కనెక్ట్స్ ఈ సినిమాను భారీ బడ్జెట్ తో నిర్మిస్తున్నాయి.