బెల్లంకొండ కోసం ప్రభాస్ విలన్

రిజల్ట్ తో సంబంధం లేకుండా సినిమాలను తీసే హీరోలు ఉండడం చాలా అరుదు. అలాంటి అరుదైన బ్రాండ్ కలిగిన హీరోల్లో బెల్లంకొండ వారి అబ్బాయి శ్రీనివాస్ కూడా ఉన్నాడు. ఈ హీరో గత కొంత కాలంగా భారీ బడ్జెట్ సినిమాలనుజ్ బాగానే చేస్తున్నాడు కానీ విజయాలు మాత్రం ఎక్కువగా అందుకోవడం లేదు. విడుదలకు ముందు హైప్ ని బాగానే క్రియేట్ చేస్తున్నాడు గాని రిజల్ట్ లో మాత్రం పెద్దగా మార్పులు రావడం లేదు.

ప్రస్తుతం సాక్ష్యం అనే సినిమాను చేస్తోన్న సంగతి తెలిసిందే. శ్రీవాస్ దర్శకత్వంలో తెరకెక్కుతోన్న ఆ సినిమా కోసం ఖర్చు గట్టిగానే పెడుతున్నారు. ముఖ్యంగా డీజే బ్యూటీ పూజా హెగ్డే సినిమాలో హీరోయిన్ గా నటించడం ప్లస్ పాయింట్. ఇకపోతే రీసెంట్ గా శ్రీనివాస్ అనే మరో నూతన యువ దర్శకుడితో బెల్లంకొండ హీరో సినిమా చేయడానికి చేతులు కలిపాడు. టెస్ట్ షూట్ కూడా జరిపి స్క్రిప్ట్ పనులను ఫినిష్ చేసే పనిలో ఉన్నారు.

ఈ సినిమాను కూడా కొంచెం భారీగానే తెరకెక్కించాలని హీరో ప్లాన్ చేస్తున్నాడని తెలుస్తోంది. జాతీయ స్థాయిలో విలన్ గా గుర్తింపు తెచ్చుకున్న నెయిల్ నితిన్ ముకేశ్ ని ప్రతినాయకుడిగా సెలెక్ట్ చేసుకున్నారట. మొదటగా నవీన్ చంద్ర ని తీసుకుందామని అనుకున్నా నిర్మాతల నిర్ణయం ప్రకారం మార్చినట్లు సమాచారం. సినిమాలో విలన్ పాత్ర చాలా ముఖ్యం కావున ఆ బాలీవుడ్ నటుడిని దింపినట్లు టాక్. ప్రస్తుతం నితిన్ ముకేశ్ ప్రభాస్ సాహో సినిమాలో విలన్ గా చేస్తున్నాడు.