బాహుబలి2కి బుక్ మై షో ఎంతిచ్చిందంటే

బాహుబలి2 మూవీ సెన్సేషన్స్ కు హద్దూ అదుపూ లేకుండా పోతోంది. తొలి మూడు రోజులు ముగిసే సమయానికే దేశవ్యాప్తంగా 500 కోట్ల గ్రాస్ కొల్లగొట్టేసిన బాహుబలి ది కంక్లూజన్ మూవీ.. వెయ్యి కోట్ల క్లబ్ లోకి అడుగు పెట్టడం ఖాయమని.. ఈ రికార్డ్ సాధించిన తొలి భారతీయ చిత్రంగా నిలవనుందని ట్రేడ్ వర్గాల అంచనా.

మరి ఈ సినిమాకు ఇంతటి డిమాండ్.. క్రేజ్ ఏర్పడ్డంలో మూవీ టికెట్స్ బుకింగ్ పోర్టల్ బుక్ మై షో.కాం కి కూడా భాగం ఉంది. సినిమా టికెట్స్ కోసం మొదట జనాలు ఈ సైట్ కి రావాల్సిందే. ఈ సైట్ లో అడ్వాన్స్ బుకింగ్స్ వేగం చూసి.. మూవీకి రాబోయే కలెక్షన్స్ పై.. సాధించబోయే సక్సెస్ పై ఓ అంచనాకు వచ్చేస్తారు ఆడియన్స్. బాహుబలి2 చిత్రం గురువారం ప్రీమియర్స్ నుంచి ఆదివారం వరకూ 500 కోట్ల రూపాయలను కొల్లగొడితే.. ఇందులో 120 కోట్లు బుక్ మై షో టికెట్స్ బుకింగ్స్ ద్వారానే వచ్చాయి. ఒక్క వీకెండ్ లో ఒక్క సినిమాకు ఇది తిరుగులేని రికార్డ్.

తొలి వీకెండ్ ముగిసేనాటికి 65 లక్షల బాహుబలి2 టికెట్స్ బుక్ మై షో సైట్.. యాప్ ద్వారా విక్రయం అయ్యాయి. మరికొన్ని రోజుల పాటు ఇదే రన్ ను బాహుబలి2 కంటిన్యూ చేయడం ఖాయమనే అంచనాలు ఉండడంతో.. ఫైనల్ ఫిగర్స్ ను అంచనా వేయడం కూడా సాధ్యం కావడం లేదు. ఒక తెలుగు డబ్బింగ్ సినిమా(హిందీ వెర్షన్ వరకే).. హిందీ సినిమా రికార్డులన్నిటినీ ఇంతటి భారీ మార్జిన్ తో క్రాస్ చేసే స్థాయిని అందుకునేలా చేయడం.. జక్కన్నకు మాత్రమే సాధ్యమైన విషయం.

Like Us on Facebook : https://www.facebook.com/Tupakidotcom/