చిరు బిట్స్: టైమే గ్యాపంతే..టైమింగ్ లో వుండదట

చేసింది నాలుగు నిముషాలే అయినా దానికి నలభై రెట్లు లాభాలని, విజయాల్ని, అందించగలడని మెగాస్టార్ చిరంజీవి రుజువు చేయనున్నాడు. బ్రూస్ లీ సినిమాలో అలా తళుక్కున మెరిసే కేమియో పోషించిన చిరు రీ ఎంట్రీ గురించే ప్రస్తుతం టాలీవుడ్ లో చర్చంతా..

ఈ సందర్భంగా చిరు చరణ్ లు గుర్రాలు ఎక్కిన పిక్ ఒకటి సాయింత్రం విడుదలై సోషల్ నెట్వర్క్ లో దుమ్ము లేపింది. ఇప్పుడు బాస్ ఈజ్ బ్యాక్ అంటూ విడుదల చేసిన మేకింగ్ టీజర్ లో మెగాస్టార్, అన్నయ్య అన్న పదాలు వినబడగానే ఎనిమిదేళ్ళు వెనక్కి వెళ్ళిపోయాం. తాజాగా సినిమాలో చిరు పలికిన డైలాగ్ మరొకటి బయటకొచ్చింది. తన సినీ నేపధ్యాన్ని వివరిస్తూ టైం గ్యాపంతే టైమింగ్ లో గ్యాప్ వుండదని ఒక పంచ్ డైలాగ్ చిరు పేలుస్తాడట. ఇవన్నీ వింటుంటే, చూస్తుంటే రేపు ఎప్పుడు తెల్లవారుతుందా, ఎప్పుడెప్పుడు చిరుని స్క్రీన్ మీద చూద్దామా అని మీకూ వుంది కదూ...