పార్టీ సాంగ్ ఆఫ్ ది ఇయ‌ర్‌: మాసీవ్ స్టెప్పుల‌తో బాసొస్తుండు!

మెగాస్టార్ చిరంజీవి న‌టిస్తున్న లేటెస్ట్ మాసీవ్ యాక్ష‌న్ ఎంట‌ర్ టైన‌ర్ 'వాల్తేరు వీర‌య్య‌'. బాబి డైరెక్ట్ చేస్తున్న ఈ మూవీని టాలీవుడ్ స్టార్ ప్రొడ‌క్ష‌న్ హౌస్ మైత్రీ మూవీ మేక‌ర్స్ వారు అత్యంత భారీ స్థాయిలో నిర్మిస్తున్నారు. శృతిహాస‌న్ హీరోయిన్ గా న‌టిస్తున్న ఈ మూవీలో మాస్ మ‌హారాజా ర‌వితేజ కీల‌క అతిథి పాత్ర‌లో క‌నిపించ‌బోతున్నాడు. స‌వ‌తి త‌ల్లి సోద‌రులుగా చిరు, ర‌వితేజ ఓ రేంజ్ లో హంగామా చేయ‌బోతున్నారు. ర‌వితేజ‌కు జోడీగా కేథ‌రిన్ న‌టిస్తోంది.

ప్ర‌స్తుతం చిత్రీక‌ర‌ణ ద‌శ‌లో ఉన్న ఈ మూవీని 2023 సంక్రాంతికి భారీ స్థాయిలో రిలీజ్ చేయ‌బోతున్నారు. 'ఆచార్య‌', గాడ్ ఫాద‌ర్ సినిమాల త‌రువాత కొంత అసంతృప్తితో వున్న మెగా ఫ్యాన్స్'వాల్తేరు వీర‌య్య‌'పై భారీ అంచ‌నాలు పెట్టుకున్నారు. గ‌త కొన్ని రోజులుగా ఎప్పుడెప్ప‌డు ఈ మూవీ రిలీజ్ అవుతుందా? అని అత్యంత ఆస‌క్తిగా ఎదురుచూస్తున్నారు. ఈ విష‌యాన్ని దృష్టిలో పెట్టుకున్న మేక‌ర్స్ ప్ర‌తీ విష‌యాన్ని చాలా ప్ర‌త్యేకంగా చూస్తూ ఖ‌ర్చు విష‌యంలో వెన‌కాడ‌కుండా అత్యంత భారీ స్థాయిలో ఈ మూవీని నిర్మిస్తున్నారు.

అంతే కాకుండా ఈ చిత్ర ద‌ర్శ‌కుడు బాబీ .. చిరుకు వీరాభిమాని కావ‌డంతో ఫ్యాన్స్ మ‌రింత ఆస‌క్తిగా ఈ మూవీ కోసం ఎదురుచూస్తున్నారు. చిరంజీవిని ఫ్యాన్స్ ఎలా చూడాల‌ని కోరుకుంటున్నారో అదే స్థాయిలో ద‌ర్శ‌కుడు బాబి ఈ మూవీలో చిరుని చూపించ‌బోతున్నార‌ట‌. ఇక విధంగా చెప్పాలంటే ద‌ర్శ‌కుడు బాబికిది డ్రీమ్ ప్రాజెక్ట్. దీంతో చాలా ప్ర‌త్యేక‌త‌ల‌తో ఈ మూవీని తెర‌పైకి తీసుకొస్తున్న‌ట్టుగా వార్త‌లు వినిపిస్తున్నాయి. దీంతో ఈ మూవీ మెగా అభిమానుల‌కు పూన‌కాలు తెప్పించ‌డం ఖాయం అంటున్నారు.

ఇదిలా వుంటే 'ముఠామేస్త్రీ' మూవీని గుర్తు చేస్తూ ఈ మూవీలో చిరంజీవి లుంగీ ధ‌రించి మాసీల్ మేకోవ‌ర్ తో క‌నిపిస్తున్న తీరు అభిమానుల్ని విశేషంగా ఆక‌ట్టుకుంటోంది. సినిమా రిలీజ్ స‌మ‌యం ద‌గ్గ‌ర‌ప‌డుతున్న నేప‌థ్యంలో లిరిక‌ల్ వీడియోల‌తో అప్పుడే మేక‌ర్స్ ఫ్యాన్స్ ని ఎట్రాక్ట్ చేయ‌డం మొద‌లు పెట్టారు. దేవిశ్రీ‌ప్ర‌సాద్ సంగీతం అందిస్తున్న ఈ మూవీ నుంచి పార్టీ సాంగ్ ఆఫ్ ది ఇయ‌ర్ గా బాస్ పార్టీ సాంగ్ ని రిలీజ్ చేయ‌బోతున్నారు.

చిరంజీవి, బాలీవుడ్ హాటీ ఊర్వ‌శీ రౌతేలాతో పాటు డ్యాన్స‌ర్స్ పాల్గొన‌గా చిత్రీక‌రించిన ఊర మాసీవ్ సాంగ్ లిరిక‌ల్ వీడియోని బుధ‌వారం సాయంత్రం 4 గంట‌ల 5 నిమిషాల‌కు రిలీజ్ చేయ‌బోతున్నారు. మంగ‌ళ‌వారం బాస్ పార్టీ సాంగ్ ప్రోమోని చిత్ర బృదం విడుద‌ల చేసింది. నువ్వు 'లిగీ క‌ట్టుకో.. హుయ్‌.. నువ్వు ష‌ర్టేసుకో.. హేయ్‌.. నువ్వు క‌ర్చీఫ్ క‌ట్టుకో.. హేయ్‌.. బాసొస్తుండు...' అంటూ దేవిశ్రీ‌ప్ర‌సాద్ పాడుతున్న ఇంట్ర‌డక్ష‌న్ ప‌దాల‌తో ప్రోమో అదిరిపోయింది.

పాట బాస్ నాటు స్టెప్పుల‌తో ఇర‌గ‌దీయ‌డం ఖాయంగా క‌నిపిస్తోంది. ఫుల్ లిరిక‌ల్ సాంగ్ లో బాస్ స్టెప్పులకు మెగా ఫ్యాన్స్ కి పూన‌కాలు రావ‌డం ఖాయం. ఈ పాట‌ని దేవిశ్రీ‌ప్ర‌సాద్ తో పాటు న‌కాష్ అజీ, హ‌రి ప్రియ‌లు ఆల‌పించారు. త‌నే ఈ పాట‌కు సాహిత్యం అందించ‌డం విశేషం. 'శంక‌ర్ దాదా ఎంబీ బీఎస్' మూవీతో చిరు - దేవీల జ‌ర్నీ మొద‌లైంది. వీరి క‌ల‌యిక‌లో ఇప్ప‌టి వ‌ర‌కు నాలుగు సాలీడ్ హిట్ లు వ‌చ్చాయి. ఇది ఐద‌వ సినిమా. ఫ‌స్ట్ సాంగ్ తో ఈ మూవీకి దేవి ఆడియోని ఏ రేంజ్ లో అందించాడో ఫ్యాన్స్ కి క్లారిటీ రాబోతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.