టికెట్ కౌంటర్: ఈ వారం కింగ్ జంటిల్మన్

ఈ వీకెండ్ అర డజన్ సినిమాలు రిలీజ్ అయినా.. అందులో చెప్పుకోదగ్గ సినిమా జెంటిల్మన్ ఒక్కటే. మిగిలిన సినిమాలేవీ అప్పుడెప్పుడో వచ్చిన బిచ్చగాడు ఇప్పుడు వసూలు చేసే స్థాయిలో కూడా వసూలు చేయలేకపోయాయంటే.. వాటి కలెక్షన్స్ స్థాయి అర్ధమవుతుంది.

1. జెంటిల్మన్: ఈ వారాతం టాలీవుడ్ బాక్సాఫీస్ దగ్గర నాని హవానే కనిపించింది. జెంటిల్మన్ అంటూ డిఫరెంట్ రూట్ లో థ్రిల్లర్ కాన్సెప్ట్ లో వచ్చిన నాని.. కలెక్షన్స్ కుమ్మేశాడు. మొదటి మూడు రోజుల్లో ఈ చిత్రానికి 9 కోట్ల షేర్ వసూలైందంటే.. నాని రేంజ్ ఏ స్థాయిలో పెరిగిందో అర్ధమవుతుంది. అన్ని ఏరియాల నుంచి పాజిటివ్ రిపోర్టులు ఉండడంతో.. ఫుల్ రన్ లో 20కోట్లకుపైగానే నాని వసూలు చేసే అవకాశాలు ఉన్నాయంటున్నారు.

2. అ..ఆ..: ఈ వారం అ..ఆ.. జోరు కొంచెం తగ్గింది. స్కూల్స్ ఓపెన్ కావడం, జెంటిల్మన్ కు మంచి టాక్ రావడం అ..ఆ..పై ఎఫెక్ట్ చూపింది. అయినా సరే చెప్పుకోదగ్గ స్థాయిలోనే వసూళ్లు దక్కాయి. ఇదే రేంజ్ మరికొనాళ్లు ఉంటేనే.. ఈ సినిమా 50కోట్ల క్లబ్ లో అడుగు పెట్టడం సాధ్యమవుతుంది.

3. ఉడ్తాపంజాబ్: వివాదం కారణంగా విపరీతంగా పబ్లిసిటీ దక్కించుకున్న ఉడ్తాపంజాబ్.. కంటెంట్ కూడా చెప్పుకోదగ్గ స్థాయిలోనే ఉండడంతో.. మంచి ఓపెనింగ్స్ రాబట్టింది. మల్టీప్లెక్సులు - మెట్రో సిటీస్ లో మంచివసూళ్లే దక్కాయి.

4. ది కంజూరింగ్ 2: ఈ హారర్ సినిమాకి మన దగ్గర మంచి వసూళ్లే వస్తున్నాయి. ప్రేక్షకులను థ్రిల్ చేసే సన్నివేశాలు పుష్కలంగా ఉండడం బాగా కలిసొచ్చిందని అంటున్నారు.

5. బిచ్చగాడు: రిలీజ్ అయిన ఆరు వారాల తర్వాత కూడా బిచ్చగాడు మంచి కలెక్షన్స్ రాబడుతున్నాడు. ఇప్పటికే పెట్టుబడికి అనేక రెట్లు తెచ్చిపెట్టిన ఈ చిత్రానికి.. ఇంకా మంచి ఆదరణే లభిస్తోంది.