బోయపాటి వల్లే రాజకీయాల్లోకి...

ప్రస్తుత రోజుల్లో సినీ తారలు రాజకీయాల్లోకి అడుగులు వేయడం చాలా రొటీన్ విషయమే. అయితే అందరు అనుకున్నంతగా సక్సెస్ అవ్వడం లేదు. నటులు తెరపైన మంచి పనులు చేస్తే ఎంతో ప్రేమగా చప్పట్లు కొట్టే అభిమానులు అదే నిజ జీవితంలో మంచి చేస్తామంటే ఎవ్వరు నమ్మకం ఉంచడం లేదు. ఎందుకంటే ప్రస్తుతం రాజకీయమంటేనే చాలా మందిలో ఒక చేదు భావన కలుగుతోంది. దీంతో ఆ వైపు ఎవరు వెళ్లినా కొందరు ప్రేక్షకులు సపోర్ట్ చేస్తున్నా మరికొందరు ఏమాత్రం ఏకీభవించడం లేదు. అయితే కొంతమంది మంది మాత్రం బాగా సక్సెస్ అవుతున్నారు.

ఇక ఇప్పుడు అదే తరహాలో ఓక సీనియర్ హీరోయిన్ రాజకీయాల వైపు అడుగులు వేసేందుకు సిద్ధమైంది. ఆమె ఎవరో కాదు దాదాపు అన్ని బాషలలో తన నటనని కనబరిచి 100 కు పైగా సినిమాలను చేసిన వాణి విశ్వనాథ్. చాలా రోజుల తర్వాత తెలుగులో బోయపాటి - బెల్లంకొండ శ్రీనివాస్ కాంబో లో వచ్చిన "జయజనకి నాయక" లో నటించింది. అయితే ఇప్పుడు ఆమె ఆంధ్రప్రదేశ్ అధికార పార్టీ తెలుగుదేశం లో చేరబోతోంది. బోయపాటి కారణంగా ఆమె టిడిపి అధినేత చంద్రబాబు ను కలిసినట్లు చెప్పారు. రీసెంట్ గా ఆమె ఈ విషయాన్ని ధ్రువీకరించింది కూడా.. త్వరలో పార్టీలో చేరబోతున్నట్లు చెప్పారు.

కానీ ఎక్కడ నుండి పోటీ చేస్తున్నట్లు అనేది ఇంకా డిసైడ్ అవ్వలేదని అధిష్టాన తీర్మానాన్ని బట్టి త్వరలోనే తెలుపుతానని ఆమె చెప్పారు. కేరళలో జన్మించిన వాణి విశ్వనాధ్ మెగాస్టార్ - ఘరానా మొగుడు సినిమా ద్వారా చాలా ఫెమస్ అయ్యారు. అలాగే ఇతర చిత్ర పరిశ్రమలో కూడా ఆమె టాప్ స్టార్స్ తో నటించింది.