చిరంజీవిని అరెస్టు చేయడం కష్టం

''కొడుకు పోలీస్ (ధృవ) అయితే.. తండ్రి ఖైదీగా (ఖైదీ నెం 150) త్వరలో రావడం అనేది చాలా థ్రిల్లింగ్ గా ఉంది. అయితే ఆయన్ను అరెస్టు చేయాలన్నా అందుకోవలన్నా కూడా అది ఆశామాశీ విషయం కాదు'' అంటూ మెగాస్టార్ చిరంజీవిపై తనకున్న ప్రేమను చాటిచెప్పాడు దర్శకుడు బోయపాటి శ్రీను.

''ఒక వేరు గట్టిదైతే చెట్టు చాలా బలంగా పెరుగుతుంది. ఆ చెట్టుక్రింద మరిన్ని మొక్కలు పెరగడానికి ఉపయోగపడుతుంది. ఆ చెట్టే చిరంజీవి గారు. ఒక వేరు. ఆయన ఎదుగుతూ ఒక ఫ్లాట్ ఫాం వేసి.. వాళ్లని ఎదగమని ఆయన కాస్త రెస్ట్ తీసుకున్నారు. ట్విస్ట్ ఇవ్వడానికి.. ఇప్పుడు మళ్లీ వస్తున్నారు. అదే ఖైదీ నెం 150'' అంటూ మెగాస్టార్ చిరంజీవి గురించి కామెంట్లు చేశాడు దర్శకుడు బోయపాటి శ్రీను. అలాగే చరణ్‌ గురించి చెబుతూ.. ''కాంప్రమైజ్ అనేదే తెలియని ఒక హీరో'' అంటూ కితాబిచ్చాడు. ఇక దర్శకుడు సురేందర్ రెడ్డికి ఉన్న క్లారిటీ కూడా అమోఘం అని చెప్పాడు. ''ఒక సంస్థలో ఒకరు ప్రేమిస్తే చాలు.. మంచి సినిమా వస్తుంది. కాని గీతా ఆర్ట్స్ లో మాత్రం అందరూ ప్రేమించేస్తారు'' అంటూ నిర్మాత అల్లూ అరవింద్ ను కూడా పైకెత్తేశాడులే. ఇక రకుల్ ప్రీత్ సింగ్ కూడా కేవలం వర్క్ వర్క్ వర్క్ అంటూ డెడికేషన్ ఉన్న అమ్మాయంటూ సెలవిచ్చాడు.

చూస్తుంటే బోయపాటికే మెగాస్టార్ చిరంజీవి 151వ సినిమా ఖచ్చితంగా కన్ఫామ్ అయిపోయింది అనిపించట్లేదూ? పైగా అది కూడానూ గీతా ఆర్ట్స్ బ్యానర్ లోనే తీస్తున్నాడని అర్ధమవ్వట్లేదు? ఇన్ని హింట్లు ఇచ్చాక మనం అర్ధం చేసుకోకపోతే ఎలా? ఏమంటారు గయ్స్?

Like Us on Facebook : https://www.facebook.com/Tupakidotcom/