బోయ‌పాటి - స‌ల్మాన్ ఖాన్ .. ఓ కోరిక‌

మాస్ మ‌సాలా యాక్ష‌న్ ఎంట‌ర్ టైన‌ర్ ల‌కు కేరాఫ్ అడ్ర‌స్ గా నిలిచిన ద‌ర్శ‌కుడు బోయ‌పాటి శ్రీ‌ను. కొంత విరామం త‌రువాత ఆయ‌న నంద‌మూరి బాల‌కృష్ణ‌తో క‌లిసి చేసిన చిత్రం `అఖండ‌`. గ‌త ఏడాది డిసెంబ‌ర్ లో విడుద‌లైన ఈ చిత్రం పేరుకు త‌గ్గ‌ట్టే అఖండ విజ‌యాన్ని సాధించి బాల‌య్య కెరీర్ లోనే అత్య‌ధిక వ‌సూళ్ల‌ని రాబ‌ట్టిన చిత్రంగా నిలిచింది. బోయ‌పాటి చిత్రాల్లో ఎమోష‌న‌ల్ సీన్స్ .. హై వోల్టేజ్ యాక్ష‌న్ సీక్వెన్స్ లే ప్ర‌ధాన పాత్ర పోషిస్తుంటాయి.

ప్ర‌తీ సినిమా ఏదో ఒక ఎమోష‌న్ క్యారి అవుతూ దానికి హై వోల్టేజ్ యాక్ష‌న్ ఘ‌ట్టాల‌ని జోడించి మాస్ ఆడియ‌న్స్ ని ఆక‌ట్టుకునేలా వుంటాయి. అలాంటి చిత్రాల‌ని మాత్ర‌మే ప్రేక్ష‌కులు ఆద‌రిస్తున్నారు. అదే `అఖండ‌` విష‌యంలోనూ మ‌రో సారి వ‌ర్క‌వుట్ కావ‌డంతో ఈ మూవీ బాక్సాఫీస్ వ‌ద్ద బ్లాక్ బ‌స్ట‌ర్ గా నిలిచింది.

అయితే ఈ ఫార్ములా అది కొంద‌రి వ‌ర‌కే ప‌రిమితం అవుతోంది. ఈ త‌ర‌హా యాక్ష‌న్ ఘ‌ట్టాల‌ని జోడించి బోయ‌పాటి హీరో బాల‌య్య‌తో చేసిన మూడు చిత్రాలు వ‌రుస బ్లాక్ బ‌స్ట‌ర్ గా నిలిచాయి. ఐకాన్ స్టార్ అల్లు అర్జున్ తో చేసిన‌ `స‌రైనోడు` కూడా అదే మ్యాజిక్ ని రిపీట్ చేసి మంచి విజ‌యాన్ని అందించింది.

అయితే ఇదే ఫార్ములాతో రామ్ చ‌ర‌ణ్ తో చేసిన `విన‌య విధేయ రామ‌` మాత్రం ఆశించిన స్థాయిలో ఆక‌ట్టుకోలేక‌పోయింది. దానికి కార‌ణం బోయ‌పాటి ఫార్ములా కొంత మంది హీరోల విష‌యంలో మాత్ర‌మే వ‌ర్క‌వుట్ కావ‌డం. అంతే కాకుండా తెలుగు ప్రేక్ష‌కులు ఇప్ప‌డు పులిహోరా క‌థ‌ల్ని పెద్ద‌గా ప్రోత్స‌హించ‌డం లేదు. క‌థ‌లో కొత్త‌ద‌నం వుంటేనే ఆద‌రిస్తున్నారు. కానీ కొంత మంది సినిమాల్లో క‌థ లేక‌పోయినా మాస్ ఎలిమెంట్స్ , హై వోల్టేజ్ యాక్ష‌న్ స‌న్నివేశాలతో పాటు దానిక ఇత‌గ్గ హీరో వుంటేనే బ్ర‌హ్మ‌ర‌థం ప‌ట్టేస్తున్నారు.

ఇలాంటి నేప‌థ్యంలో పాన్ ఇండియా స్థాయి సినిమాత‌ల‌తో పోటీప‌డుతున్న మిగ‌తా డైరెక్ట‌ర్ ల‌తో పోటీప‌డి నెక్స్ట్ స్టేజ్ కి వెళ్లాలంటే బోయ‌పాటి ముందున్న ఏకైక ఆప్ష‌న్ స‌ల్మాన్ ఖాన్‌. ఇది బోయ‌పాటి అభిమానుల కోరిక‌గా వినిపిస్తోంది. ఇండియాలోనే స‌ల్మాన్ ఖాన్ ని మించిన యాక్ష‌న్ హీరో లేడ‌న్న‌ది అంద‌రికి తెలిసిందే. త‌న సినిమాల్లో ఇప్ప‌టి వ‌ర‌కు యాక్ష‌న్ ఘ‌ట్టాల‌కే త‌ప్ప క‌థ‌కు పెద్ద‌గా ప్రాధాన్య‌త‌నిచ్చిన సంద‌ర్భాలు చాలా త‌క్కువే.

అలాంటి స‌ల్మాన్ ఖాన్ తో బోయ‌పాటి శ్రీ‌ను హై వోల్టేజ్ యాక్ష‌న్ ఎంట‌ర్ టైన‌ర్ చేస్తే చూడాల‌ని వుంద‌ని ఆయ‌న అభిమానులు కోరుకుంటున్నారు. ఇప్పుడున్న ప‌రిస్థితుల్లో ద‌ర్శ‌కుడిగా నెక్స్ట్ లెవెల్ కి వెళ్లాల‌న్నా ఆయ‌న‌కున్న ఏకైక ఆప్ష‌న్ స‌ల్మాన్ ఖానే అని ఆయ‌న‌తో క‌లిసి బోయ‌పాటి సినిమా చేస్తూ చూడాల‌ని వుంద‌ని అభిమానులు బ‌లంగా కోరుకుంటున్నారు. మ‌రి అభిమానుల కోరిక ని బోయ‌పాటి శ్రీ‌ను ఆలోచిస్తారా? .. ఆచ‌ర‌ణ‌లో పెడ‌తారా? అన్న‌ది వేచి చూడాల్సిందే.