మళ్ళీ బాయ్‌కాట్‌.. అసలేం జరుగుతోంది?

ఆమీర్ ఖాన్ నటించిన ప్రతిష్టాత్మక సినిమా లాల్ సింగ్ చడ్డా ను బాయ్ కాట్ చేయాలంటూ విడుదలకు ముందు నుండే పెద్ద ఎత్తున ప్రచారం చేయడం వల్ల సినిమా కు చాలా నష్టం జరిగింది.

సినిమా కి నెగిటివ్ టాక్ రావడంతో ఆ ప్రచారం వల్ల మరింత దారుణమైన వసూళ్లు నమోదు అయ్యాయి. ఇప్పుడు పలు సినిమాలను బాయ్ కాట్‌ చేయాలంటూ కొందరు సోషల్ మీడియా ద్వారా పిలుపునిస్తున్నారు.

బాయ్ కాట్ బ్యాచ్ ప్రతి సినిమా కు ఏదో ఒక కారణం చెప్పి బహిష్కరించాల్సిందే అంటూ డిమాండ్ చేస్తున్నారు. తెలుగు లో తెరకెక్కిన లైగర్ సినిమా ఈ వారం విడుదల కాబోతుంది. ఆ సినిమా ను కూడా బాయ్ కాట్‌ చేయాలంటూ కొందరు డిమాండ్ చేస్తున్నారు. ఇలాంటి సమయంలో వచ్చిన ఒక జొమాటో కొత్త యాడ్‌ ప్రస్తుతం తీవ్రమైన చర్చనీయాంశంగా మారింది.

హిందువుల మనోభావాలను దెబ్బతీసే విధంగా ఆ యాడ్ ఉంది అంటూ బాయ్ కాట్‌ జొమాటో మొదలు పెట్టారు. ఈ యాడ్ లో బాలీవుడ్ సూపర్ స్టార్‌ హృతిక్‌ రోషన్ కనిపించాడు. ఆయన ఒక కమాండో గా ఈ యాడ్ లో కనిపించాడు. యాడ్‌ లో హృతిక్‌ రోషన్ తన తోటి కమాండోస్ తో మాట్లాడుతూ ఆకలిగా ఉంటే జొమాటోలో మహాకాల్ నుండి తాలీ ఆర్డర్ చేశాను అంటాడు.

మహాకాళేశ్వర్ ఆలయం ను ఒక రెస్టారెంట్ గా చెప్పడంతో పాటు భక్తులు ప్రసాదంగా భావించే తాలీ ని రెస్టారెంట్ లో ఇచ్చే ఆహార పదార్థంగా చూపించారు అంటూ జొమాటో పై తీవ్ర స్థాయిలో విమర్శలు వస్తున్నాయి. ఈ విషయమై హృతిక్‌ రోషన్ మరియు జొమాటో వెంటనే క్షమాపణ చెప్పాల్సిందే అంటూ డిమాండ్ చేస్తున్నారు.

ఇండియన్స్ యొక్క మనోభావాలను దెబ్బతీసే విధంగా వ్యవహరించిన జొమాటో ను ఇండియాలో లేకుండా బాయ్‌ కాట్‌ చేయాల్సిందే అంటూ డిమాండ్‌ చేస్తున్నారు. బాలీవుడ్ లో ముఖ్యంగా ఉత్తర భారతంలో ఈ బాయ్ కాట్‌ అనే పదం పదే పదే వినిపిస్తుంది. ఈ నేపథ్యంలో సినిమా ఇండస్ట్రీలో కూడా ఆందోళన వ్యక్తం అవుతోంది. అసలే సినిమా ఇండస్ట్రీ తీవ్రమైన కష్టాలు ఎదుర్కొంటుంది. ఈ సమయంలో బాయ్‌ కాట్‌ బ్యాచ్ చాలా ఇబ్బంది పెడుతుంది అంటూ బాలీవుడ్‌ కు చెందిన కొందరు కామెంట్స్ చేస్తున్నారు.