ట్రైలర్‌ టాక్‌: ఏం పరిగెత్తుడో ఏందో!!

మిష్టర్‌ నూకయ్యా వంటి సినిమాలను తీసిన దర్శకుడు అనీల్‌ కృష్ణ ఎలియాస్‌ అని కన్నెగంటి.. ఇప్పుడు తమిళంలో హిట్టయిన ''నేరం'' సినిమాను తెలుగులోకి రీమేక్‌ చేశాడు. సందీప్‌ కిషన్‌ హీరోగా ''రన్‌'' అంటూ వస్తున్న సినిమా ఇదే. నిన్ననే ట్రైలర్‌ విడుదల చేశారు.

మ్యాటర్‌ ఏంటంటే.. ఈ సినిమా ట్రైలర్‌ చూస్తే.. ఈ మధ్య కాలంలో స్వామి రారా నుండి భలే మంచి రోజు వరకు అన్ని సినిమాలూ ఇదే ఫార్మాట్లో కదా ఉన్నాయి అనిపిస్తుంది. ఇకపోతే సందీప్‌ యాజిటీజ్‌ గా తన పాత సినిమాల్లో ఎలా ఉన్నాడో అలాగే ఉన్నాడు. తమిళ హీరో మహత్‌ రాఘవేంద్ర.. హీరోయిన్ అనీషా ఆంబ్రోస్‌.. విలన్‌ గా తెలుగులో తెరంగేట్రం చేస్తున్న బాబీ సింహా.. జస్ట్‌ ఓకె. ఒక రోజులో ఒక హీరో విషయంలో తీసుకున్న అప్పు కట్టాల్సిన ఆఖరి రోజున ఏం జరిగింది అనేదే కథ. చూస్తుంటే సినిమాలో బ్రహ్మాజీ పోషించిన ఎస్‌.ఐ. పద్మావతి రోల్‌ హైలైట్‌ అనిపిస్తోంది. అలాగే సాయి కార్తీక్‌ బ్యాగ్రౌండ్‌ స్కోర్‌ కూడా రచ్చ లేపేశాడు.

ట్రైలర్‌ అంతా పరిగెత్తుతూ పరిగెత్తుతూనే ఉన్నారు. మరి హిట్‌ వైపునకు పరిగెత్తుతున్నారో లేదో తెలియాలంటే.. మార్చి 23 వరకు ఆగాల్సిందే