బ్రహ్మాజీ-హరీష్ శంకర్.. పేలిన కామెడీ

ఎంతో ప్రతిభ ఉన్నప్పటికీ.. సరైన అవకాశాలు రాక ఒక స్థాయికి మించి ఎదగలేకపోయాడు బ్రహ్మాజీ. ‘సింధూరం’ సినిమా హిట్టయితే అతడి దశ తిరిగిపోయేదేమో కానీ.. ఆ సినిమాకు ప్రశంసలు మాత్రమే దక్కాయి. కమర్షియల్ గా సినిమా అనుకున్నంత ఆడలేదు. ఆ సినిమాలో లీడ్ రోల్ చేసిన బ్రహ్మాజీకి మళ్లీ హీరోగా అవకాశాలు రాలేదు. ఎప్పట్లాగే క్యారెక్టర్.. కామెడీ రోల్స్ కు పరిమితం అయిపోయాడు. కానీ చిన్న చిన్న పాత్రల్లో కూడా తన ప్రత్యేకత చాటుకుంటూ ఉంటాడు బ్రహ్మాజీ.

సినిమాల్లోనే కాదు.. బయట కూడా బ్రహ్మాజీ కామెడీ టైమింగ్ గురించి అందరూ ప్రత్యేకంగా మాట్లాడుకుంటూ ఉంటారు. ట్విట్టర్లో బ్రహ్మాజీ జనాల్ని బాగానే ఎంటర్టైన్ చేస్తూ ఉంటాడు. ముఖ్యంగా వెన్నెల కిషోర్.. హరీష్ శంకర్ లాంటి వాళ్లతో కలిసి ట్విట్టర్లో బ్రహ్మాజీ కామెడీ పండిస్తుంటాడు. ఇటీవలే కిషోర్-బ్రహ్మాజీ కలిసి కృష్ణ సినిమాలోని ఒక సన్నివేశాన్ని డబ్ స్మాష్ చేసి పెట్టిన వీడియో ఎంతగా పేలిందో తెలిసిందే.

తాజాగా మరోసారి బ్రహ్మాజీ.. దర్శకుడు హరీష్ శంకర్ తో కలిసి తన ఫాలోవర్లకు వినోదం పంచాడు. ‘నెమ్మదిగా వెళ్లండి. మీకోసం ఎదురు చూస్తున్నది అదే భార్య’ అంటూ రోడ్డు మీద ఉన్న ఇండికేషన్ బోర్డుకు సంబంధించిన ఫొటో ఒకటి బ్రహ్మాజీ ట్విట్టర్లో షేర్ చేశాడు. దీనికి బదులుగా హరీష్ శంకర్.. తనదైన శైలిలో స్పందించాడు. ‘వదిన ట్విట్టర్లో లేదనే కదా అన్నా నీ ధైర్యం’ అన్నాడు. తర్వాత బ్రహ్మాజీ స్పందిస్తూ.. ‘ఈ ఫొటో ఇచ్చిందే వదిన’ అని బదులిచ్చాడు. ఈ సంభాషణ వీళ్ల ఫాలోవర్లకు మంచి మజానిచ్చింది. దీని మీద జనాలు కూడా చాలా సరదాగా స్పందించారు.