ప్రభుత్వం సోనూసూద్ ను గుర్తించాలి: ప్రముఖ నటుడు ట్వీట్

అతనో విలన్.. నిజజీవితంలో కాదండీ సినీ జీవితంలో.. కానీ అతనో మనసు, మానవత్వం ఉన్న మనిషి. ఇలాంటి వాళ్లను కేవలం సినిమాలలోనే చూస్తాం అని అంటుంటారు. కానీ మన జీవితంలో కూడా మంచి, మానవత్వం తెలిసిన.. ఎదుటివారికి సాయం చేయాలనే తపన ఉన్న వ్యక్తి ఇప్పటివరకు సినిమాల మనిషి అని తెలుసు. కానీ ప్రతి మనిషికి తనని తను నిరూపించుకోవడానికి ఓ రోజు వస్తుందని అంటారు కదా! అలాగే మార్చి నెలలో కరోనా మహమ్మారి అనేది ఒకటి వచ్చి వలస కార్మికులను.. ఎక్కడి నుండో వచ్చి ఒకే చోట ఇరుక్కుపోయిన వారిని వాళ్ల సొంతూరుకు పంపేందుకు దేవుడు ఓ మనిషిని పంపాడని అంతా నమ్ముతున్నారు. కార్మికులకు సేవచేయడానికే నన్ను దేవుడు పంపించాడేమో అని ఆ మనిషే స్వయంగా పలికాడు. ఆయనే సినీ విలన్ సోనూసూద్. కరోనా వైరస్ భాదితులకి చికిత్స అందించడానికి వైద్య సిబ్బందికి విశ్రాంతి తీసుకునేందుకు, అలాగే హెల్త్ వర్కర్స్ వచ్చి ఉచితంగా భోజనాలు..

అంతేగాక ఉచితంగా వలస కార్మికులకు ప్రయాణ సౌకర్యం కల్పించాడు. మంచి మనసుతో చేసాడు సోనూసూద్. ఇటీవలే వలస కార్మికులతో అల్లుకున్న తన అనుభవాలను ఓ పుస్తక రూపంలో రూపొందిస్తానని ప్రకటించాడు. పెద్ద చిన్న ముసలి ముతక అనే తేడా లేకుండా అందరికి సహాయం చేస్తూనే ఉన్నాడు. నేడు సోనూసూద్ పుట్టినరోజు. దేశమంతా సంతోషం వ్యక్తం చేస్తుంది. అతనికి జేజేలు కొడుతోంది. అతని సేవలను గుర్తించాలని సహాయం పొందిన వారు ప్రభుత్వాన్ని కోరుతున్నారు. అందులో ఓ ప్రముఖ తెలుగు నటుడు కూడా ఉన్నాడు. ఆయనే బ్రహ్మాజీ. సోనూసూద్ పుట్టినరోజు సందర్భంగా సోషల్ మీడియా ద్వారా శుభాకాంక్షలు తెలిపి.. సోనూసూద్ కి ప్రభుత్వం పద్మభూషణ్ సిఫార్సు చేయాలనీ కోరుకున్నాడు. సోనుతో దిగిన పిక్ ఒకటి షేర్ చేసుకున్నాడు. ప్రస్తుతం బ్రహ్మాజీ పోస్ట్ సోషల్ మీడియాలో వైరల్ అవుతుంది.