బాల‌య్య‌తోనే బ్ర‌హ్మీ ప‌రాచిక‌మా?

వాట్టూడూ .. వాట్ నాట్టూడూ? ఏమిటా ప‌రాచికం.. ఆ ఇద్ద‌రి మ‌ధ్యా ఎంత‌గా చ‌నువు ఉంటే మాత్రం.. బ్ర‌హ్మీతోనే ప‌రాచిక‌మా? ఏదైతేనేం న‌ట‌సింహా నంద‌మూరి బాల‌కృష్ణ హోస్ట్ గా ఓటీటీ డెబ్యూ బ్లాక్ బ‌స్ట‌ర్ హిట్ అనే చెప్పాలి. ఇప్ప‌టికే ప‌లువురు గెస్ట్ ల‌తో బాల‌య్య అన్ స్టాప‌బుల్ ఎపిసోడ్స్ ఆద్యంతం ర‌క్తి క‌ట్టిస్తున్నాయి. ఆయ‌న వ్యాఖ్యానం న‌భోతోన‌భ‌విష్య‌తి అన్న చందంగా సాగుతోంది. ఎన్.బి.కే విసిరే చెణుకులు చాక‌చ‌క్య‌మైన పంచ్ లు జోక్ లు అన్నీ ప‌టాకాలా పేల్తున్నాయి.

మొత్తానికి ఆహా టీఆర్పీ ని పెంచ‌డంలో బాల‌య్య పెద్ద స‌క్సెస‌య్యార‌నే చెప్పాలి. ఇటీవల మోహ‌న్ బాబు.. నానీ లాంటి స్టార్ల‌తో షోలు స‌క్సెస‌య్యాయి. ఇప్పుడు బ్ర‌హ్మానందం- అనీల్ రావిపూడితో క‌లిసి అన్ స్టాప‌బుల్ విత్ ఎన్.బి.కే మూడో ఎపిసోడ్ స్ట్రీమింగుకి రెడీ అవుతోంది. ఈ ఎపిసోడ్ కూడా అద‌ర‌గొడుతుంద‌నే అభిమానులు వేచి చూస్తున్నారు.

ద‌శాబ్ధాల కెరీర్ జ‌ర్నీ స‌మాంత‌రంగా సాగించిన హాస్య బ్ర‌హ్మ బ్ర‌హ్మానందం - నంద‌మూరి బాల‌కృష్ణ కాంబినేష‌న్ లో ఎన్నో బ్లాక్ బ‌స్ట‌ర్ సినిమాలు ఉన్నాయి. ఎన్నో కామెడీ స‌న్నివేశాల్లో క‌లిసి న‌టించి అభిమానుల్లో న‌వ్వులు పూయించారు. ఆ ఇద్ద‌రి మ‌ధ్యా ఎంతో సాన్నిహిత్యం ఉంది. అందుకే ఆహాలో తాజా ఎపిసోడ్ చాలా ప్ర‌త్యేకంగా ఉంటుంద‌ని హిలేరియ‌స్ కామెడీతో క‌డుపుబ్బా న‌వ్విస్తుంద‌ని భావిస్తున్నారు. న‌ట‌సింహా బాల‌కృష్ణ న‌టించిన అఖండ రేప‌టి నుంచి థియేట‌ర్ల‌లో వైలెంట్ యాగానికి రెడీ అవుతోంది. దాదాపు 55కోట్ల ప్రీబిజినెస్ చేసిన ఈ చిత్రం అంత‌కు మించి నెట్ వ‌సూలు చేస్తుంద‌ని అంచ‌నా వేస్తున్నారు. థియేట‌ర్ల‌లో అత్యంత భారీగా రిలీజ్ చేసేందుకు స‌న్నాహ‌కాల్లో ఉంది టీమ్.