బ్రహ్మీ తో ఈసారి ఏం చేయిస్తాడో..?

ఒకప్పుడు ఆయన మొఖం కనిపిస్తే చాలు అరుపులు, ఆనందోత్సాహాలతో థియేటర్ దద్దరిల్లేది. నవ్వించడానికి ఏ కమెడీయన్ కైనా కామెడీ డైలాగ్ అవసరమెమో కానీ ఆయన జస్ట్ మొఖంలో చిన్న హావభావాలు చూపిస్తే చాలు ప్రేక్షకులు పొట్ట పట్టుకొని నవ్వాల్సిందే. ఆయనే ది గ్రేట్ బ్రహ్మానందం. దాదాపు పదిహేను వందలకు పైగా సినిమాల్లో నటించిన బ్రహ్మీ ఇప్పుడు సైలెంట్ అయిపోయాడు. పెద్దగా సినిమాల్లో అవకాశం లేకపోవడంతో మెల్లగా కనుమరుగయ్యాడు.

ఇటీవలే హార్ట్ ఆపరేషన్ చేయించుకున్న బ్రహ్మానందం 'మన్మధుడు 2' లో కామియో చేసాడు. అసలు ఆ సినిమా ఎందుకు చేసాడో ఆయానికే తెలియదు. 'మన్మధుడు'లో బ్రహ్మీ కామెడీ హైలైట్ గా నిలిచిందన్న ఒకే ఒక్క రీజన్ తో జస్ట్ బ్రహ్మీ తో గెస్ట్ రోల్ చేయించారు. నిజానికి బ్రహ్మీ కామెడీ ను ప్రేక్షకులు చాలా మిస్సవుతున్నారు. ఆయన మంచి కామెడీ పాత్రతో వస్తే మళ్లీ నవ్వడానికి అభిమానులు రెడీగా ఉన్నారు.

అందుకే ఇప్పుడు బ్రహ్మీ తో ప్రేక్షకులను నవ్వించడానికి రెడీ అవుతున్నాడు హరీష్ శంకర్. వరుణ్ తేజ్, అధర్వ లతో 'వాల్మీకి' సినిమా చేస్తున్న హరీశ్ ఇందులో ఓ కామెడీ రోల్ కి బ్రహ్మానందం ని పెట్టుకున్నాడు. ఇక షూటింగ్ చివరి రోజు బ్రహ్మీ వడ్డించగా భోజనం చేస్తూ 'ఎంత మందికో ఈ అదృష్టం' షూటింగ్ స్పాట్ నుండి ఓ ఫోటో పెట్టాడు హరీష్ శంకర్. అయితే 'గబ్బర్ సింగ్' లో బ్రహ్మీ క్యారెక్టర్ తో బాగా నవ్వించిన హరీష్ 'వాల్మీకి' లో బ్రహ్మీ రోల్ తో ఎలా నవ్విస్తాడో తెలియాలంటే ఈ నెల ఇరవై వరకూ ఆగాల్సిందే. మరి ఈ సినిమాతో బ్రహ్మీ తన కామెడీ తో ఐయామ్ బ్యాక్ అనిపించుకుంటాడా చూడాలి.