సైంటిస్ట్ వాలి గా హాస్యబ్రహ్మ రీ ఎంట్రీ

తెలుగు సినిమా ఇండస్ట్రీలో దాదాపు మూడు దశాబ్దాల పాటు బ్రహ్మానందం సాగించిన హాస్య జర్నీ మరెవరికి సాధ్యం కాదు. గిన్నిస్ బుక్ ఆఫ్ వరల్డ్‌ రికార్డు దక్కించుకునే స్థాయిలో ఆయన నటించాడు. ఒకానొక సమయంలో ఆయన నటించిన సినిమాలు నెలలో అయిదు నుండి పది కూడా విడుదల అయిన దాఖలాలు ఉన్నాయి. అలాంటి బ్రహ్మానందం ఇప్పుడు తనకు తగ్గ పాత్రలు రాకపోవడంతో.. చేసిన పాత్రలు సక్సెస్ అవ్వక పోవడంతో సినిమాలకు కాస్త దూరంగా ఉంటున్నారు.

అప్పుడప్పుడు తెలుగు సినిమాల్లో మెరుస్తున్న బ్రహ్మానందం పూర్తి స్థాయి పాత్రల్లో నటించేందుకు సిద్ధంగా ఉన్నాడు. కేవలం కమెడియన్ గానే కాకుండా క్యారెక్టర్‌ ఆర్టిస్టుగా.. సీరియస్ పాత్రల్లో నటించేందుకు కూడా బ్రహ్మీ రెడీగా ఉన్నాడంటూ సమాచారం అందుతోంది. ఇక బ్రహ్మానందం గతంలో పలు తమిళ సినిమాల్లో నటించిన విషయం తెల్సిందే.

2020 సంవత్సరంలో దగల్టీ అనే సినిమాలో చిన్న పాత్రలో నటించిన బ్రహ్మానందం మళ్లీ సతానం హీరోగా నటిస్తున్న కిక్‌ అనే సినిమాలో నటిస్తున్నాడు. కిక్ సినిమాలో బ్రహ్మానందం సైంటిస్ట్‌ వాలి అనే పాత్రలో కనిపించబోతున్నారంటూ చిత్ర యూనిట్‌ సభ్యులు ఆసక్తికర పోస్ట్‌ ను షేర్‌ చేశారు.

తెలుగు లో బ్రహ్మానందం ఆశించిన స్థాయిలో సినిమాలు చేయడం లేదు.. ఆయన సినిమాలు కనీసం తమిళ్ లో అయినా కిక్ తర్వాత వరుసగా వస్తాయేమో చూడాలి. ఎప్పటిలాగే సైంటిస్ట్ వాలి పాత్రతో బ్రహ్మీ నవ్విస్తాడని అంతా భావిస్తున్నారు. అక్కడ కిక్ సినిమా తర్వాత మరిన్ని సినిమాలు చేయాలని ఆయన అభిమానులు కోరుకుంటున్నారు. మరి బ్రహ్మానందం అక్కడ అయినా కంటిన్యూ అయ్యేనా చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.