ఆ సినిమా నుండి బ్రాహ్మి వాకౌట్??

దాదాపు పెద్ద సినిమాల కామెడీలకు పెద్ద దిక్కుగా బ్రహ్మానందం - ఆలి నిలుస్తున్నారు. నిజంగా సన్నివేశంలో కామెడి వున్నా లేకపోయినా తెరపై వీరు కనిపించగానే థియేటర్ నుండి నవ్వులు కురవడంతో వీరిని ఏ కాస్త అవకాశమున్నా వాడుకోవడానికి ప్రయత్నిస్తున్నారు.

అయితే ఈ మధ్య శ్రీను వైట్ల - త్రివిక్రమ్ సినిమాలలో కూడా బ్రహ్మి పూర్తి నిడివి పాత్ర పోషించడంలేదు. ఈయన ఎంట్రన్స్ సెకండ్ హాఫ్ లోనే వస్తుంది. అలా నవ్వించి వెళ్ళిపోతుంది. అందుకే బ్రాహ్మి గతంలా నవ్వించలేకపోతున్నాడు. ప్రతీ సారి రేసు గుర్రం లాంటి పాత్రలు పుట్టడం కష్టం. అయితే ఈ ధోరణిలో బ్రాహ్మిది సైతం కూసింత పాత్ర వున్నట్టు తెలుస్తుంది.

బాలయ్య బాబు 99వ సినిమా డిక్టేటర్ కోసం ఐదుగురు రచయితలు కలిసి అల్లిన స్క్రిప్ట్ లో బ్రాహ్మికి ఫుల్ లెంగ్త్ రోల్ ఇచ్చారట. దీనికోసం అధిక మొత్తంలో డేట్ లను కోరగా చేతినిండా ప్రాజెక్ట్ లతో తనకు అసల ఖాళీ లేదని సినిమా నుండి వాకౌట్ చేసినట్టు సమాచారం. వరుస వైఫల్యాలతో నెట్టుకొస్తున్న బ్రాహ్మి మంచి అవకాశాన్ని వదిలేసుకున్నాడా?