బ్రహ్మి హీరోయిన్స్ గా హాట్ యాంకర్స్?

హాస్య బ్రహ్మ బ్రహ్మానందం ఎన్నో సినిమాలను సింగిల్ హ్యాండ్ తో లాగేశాడు. స్టార్ హీరోలు కూడా బ్రహ్మీ కామెడీ మీద డిపెండ్ అయిపోయి.. నెట్టుకొచ్చేసిన పరిస్థితులు కోకొల్లలు. అలాంటి బ్రహ్మానందం కొంత కాలంగా బ్యాడ్ ఫేజ్ లో ఉన్నాడు. బ్యాడ్ అంటే ఆయనకి.. ఆయన క్రేజ్ కి వచ్చిన సమస్యేమీ లేదు కానీ.. విమర్శలు ఎదుర్కోవాల్సి వస్తోంది. వీటన్నిటికీ సమాధానం చెప్పేందుకా అన్నట్లుగా.. ఇప్పుడు బ్రహ్మీ తన కెరీర్ లో ఇప్పటివరకూ చేయని ఓ కొత్త అటెంప్ట్ చేయనున్నాడు.

బ్రహ్మీ లీడ్ రోల్ లో ఓ మూవీ స్టార్ట్ కానుంది. ఇదేమీ బ్రేకింగ్ న్యూస్ అయిపోదు. కానీ ఈ సినిమాలో బ్రహ్మానందంకు జోడీగా హాట్ యాంకర్స్ కం యాక్టర్స్ అయిన అనసూయ-రష్మీలను లీడ్ రోల్స్ లో తీసుకోవాలని చూస్తున్నారన్నదే హాట్ టాపిక్ అయితే.. ఈ చిత్రాన్ని బ్రహ్మానందం స్వయంగా డైరెక్ట్ చేయాలని నిర్ణయించుకున్నాడట. బ్రహ్మీ సన్నిహితుడు ఒకరు నిర్మాతగా వ్యవహరించనుండగా.. త్వరలోనే ఈ ప్రాజెక్టుకు సంబంధించిన అనౌన్స్ మెంట్ రానుందని తెలుస్తోంది.

తన కెరీర్ లో కమెడియన్ గా.. హీరోగా.. కేరక్టర్ ఆర్టిస్ట్ గా.. కొడుకు కోసం నిర్మాతగా కూడా వ్యవహరించిన బ్రహ్మానందం.. తొలిసారిగా మెగాఫోన్ పట్టనున్నాడనే న్యూస్.. ఫిలింనగర్ లో హాట్ టాపిక్ అయిపోయింది.

Like Us on Facebook : https://www.facebook.com/Tupakidotcom/