విశ్వనటుడి సినిమాలో బ్రహ్మీ విశ్వరూపం

లెజెండరీ నటుడు కమల్ హాసన్ ఇప్పుడు కొత్త సినిమాకి సిద్ధమైపోతున్నారు. కమల్ మూవీ అంటే దేనికదే ప్రత్యేకంగా ఉంటుందని ప్రత్యేకంగా చెప్పనక్కర్లేదు. స్టోరీ నుంచి కేరక్టరైజేషన్ వరకూ ప్రతీదీ విభిన్నంగా ఉంటూ.. ఎప్పటికప్పుడు తన నటనా సామర్ధ్యాన్ని ప్రదర్శించేందుకు తపించడం కమల్ హాసన్ స్పెషాలిటీ.

టీకే రాజీవ్ కుమార్ దర్శకత్వంలో కమల్ హాసన్ హీరోగా ఓ త్రిభాషా చిత్రం ప్రారంభం కానుంది. ఏప్రిల్ 28న షూటింగ్ ప్రారంభించుకోనున్న ఈ మూవీ.. ఫుల్ లెంగ్త్ కామెడీ అని తెలుస్తోంది. ఈ చిత్రంలో సీనియర్ నటి రమ్యకృష్ణతో పాటు.. కమల్ కూతురు శృతి హాసన్ కూడా నటిస్తోంది. ఈ విశ్వనటుడి సొంత బేనర్ అయిన రాజ్ కమల్ ఇంటర్నేషనల్ - లైకా ప్రొడక్షన్స్ లు ఈ చిత్రాన్ని నిర్మించనున్నాయి.

కమల్ నటిస్తున్న ఈ కామెడీ మూవీలో హాస్యబ్రహ్మ బ్రహ్మానందంను కీలక పాత్రకోసం తీసుకున్నారట. ఈ సినిమా మొత్తానికి కమల్ కాకుండా.. బ్రహ్మీ రోల్ హైలైట్ అవుతుందని అంటున్నారు. బ్రహ్మానందం కెరీర్ లో కూడా చిరస్థాయిగా నిలిచిపోయే పాత్ర ఇది అనే టాక్ వినిపిస్తుంది. మరి కెరీర్ లో అత్యంత కీలకమైన నిరూపించుకోవాల్సిన దశలో ఉన్న బ్రహ్మానందంకు.. విశ్వనటుడు కమల్ సినిమాలో విశ్వరూపం చూపించే అవకాశం రావడం అంటే లక్కీఛాన్స్ అనాల్సిందే.