క్యారక్టర్ సీరియస్ అయినా.. డబ్బింగ్ కామెడీనే..!

హాస్య బ్రహ్మ.. కామెడీ కింగ్.. నవ్వుల రారాజు బ్రహ్మానందం ఏం చేసినా అందులో ఓ స్పెషాలిటీ ఉంటుంది. ఈ వయసులో కూడా ఆయన బిజీ బిజీగా ఉంటున్నారు. ఉదయం అలి నటించిన అందరు బాగుండాలి అందులో నేనుండాలి సినిమా ఈవెంట్ లో పాల్గొన్న బ్రహ్మి సాయంత్రం రంగమార్తాండా సినిమాకు డబ్బింగ్ చెప్పారు.

బ్రహ్మానందం డబ్బింగ్ చెబుతున్న టైం లో తీసిన ఫోటోలు సామాజిక మాధ్యమాల్లో వైరల్ అయ్యాయి. వైట్ షర్ట్ అండ్ నిక్కర్ వేసుకుని చాలా సరదాగా తన వాయిస్ ఇచ్చేస్తున్నారు బ్రహ్మానందం. హార్ట్ సర్జరీ వల్ల కొన్నాళ్లు సినిమాలకు దూరంగా ఉంటూ వచ్చిన బ్రహ్మానందం ఇప్పుడు మళ్లీ వరుస సినిమాలకు సైన్ చేస్తున్నారు.

ఈమధ్య వచ్చిన జాతిరత్నాలు.. భీమ్లా నాయక్ సినిమాల్లో ఆయన చేసింది కెమియో రోల్ అయినా ఉన్నంతసేపు కడుపుబ్బా నవ్వించేశారు. ఇక ప్రస్తుతం కృష్ణవంశీ దర్శకత్వంలో తెరకెక్కుతున్న రంగమార్తాండ సినిమాలో ఇంపార్టెంట్ రోల్ ప్లే చేస్తున్నారు బ్రహ్మానందం.

ఈ సినిమాలో ప్రకాశ్ రాజ్ తర్వాత ప్రాముఖ్యత ఉన్న పాత్ర బ్రహ్మిదే అని తెలుస్తుంది. అంతేకాదు ఆయన ఈ మూవీలో సీరియస్ రోల్ లో నటిస్తున్నాడట. చాలారోజుల తర్వాత బ్రహ్మానందం కంట తడి పెట్టించే పాత్రలో కనిపించనున్నారు. కమెడియన్లు సీరియస్ పాత్రలు చేస్తే ఆ పాత్రలు ఎప్పటికీ అలా నిలిచిపోతాయి. బ్రహ్మానందం బాబాయ్ హోటల్ సినిమా ఇప్పటికీ ప్రత్యేకంగా ఉంటుంది.

ఈ క్రమంలోనే రంగమార్తాండ సినిమాలో బ్రహ్మానందం పాత్ర చాలా కొత్తగా ఉంటుందని చిత్రయూనిట్ చెబుతున్నారు. ఆ పాత్రలో బ్రహ్మానందం నటన మరోసారి ఆయన సత్తా ఏంటో చూపిస్తుందని టాక్. ఎంత సీరియస్ పాత్ర చేసినా బ్రహ్మి డబ్బింగ్ టైం లో మాత్రం కామెడీగానే అనిపించారు.

సినిమా మీద అంత డెడికేషన్ ఉంది కాబట్టే ఆయన నాలుగు దశాబ్ధాలుగా ప్రేక్షకులను అలరిస్తూ వస్తున్నారు. రంగమార్తాండ సినిమా మరాఠి మూవీ నట సామ్రాట్ కి అఫీషియల్ రీమేక్ గా వస్తుంది. నట సామ్రాట్ లో నానా పటేకర్ చేసిన పాత్రలో ఇక్కడ ప్రకాశ్ రాజ్ చేస్తున్నారు. కృష్ణవంశీ ప్రకాశ్ రాజ్ కాంబినేషన్ గురించి ప్రత్యేకంగా చెప్పాల్సిన పనిలేదు. మరి ఈ క్రేజీ కాంబోలో వస్తున్న రంగమార్తాండా ఎలాంటి సంచలనాలు సృష్టిస్తుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.