బ్రాహ్మ‌ణి వెయిట్ చేస్తుంద‌ట‌!

తెలుగువారంతా ఆస‌క్తిగా ఎదురుచూసి ఎన్టీఆర్ బ‌యోపిక్ క‌థానాయ‌కుడి రూపంలో వ‌చ్చేసింది. రిజ‌ల్ట్ ముచ్చ‌ట ఎలా ఉన్నా.. ఈ సినిమా ఇప్పుడు హాట్ టాపిక్. గ‌తంలో బాల‌కృష్ణ న‌టించిన మ‌రే సినిమాకు లేన‌ట్లుగా నంద‌మూరి ఫ్యామిలీ అంతా ఈ మూవీ ప్ర‌మోష‌న్ మీద ఫుల్ గా ఫోక‌స్ పెట్టేసింది.

ఎవ‌రికి వారు.. క‌థానాయ‌కుడు మూవీని పొగిడేస్తూ ట్వీట్లు పెట్ట‌టం.. మీడియా ముందుకు వ‌చ్చి మాట్లాడ‌టం చేస్తున్నారు. సెలెక్టివ్ వేదిక‌ల మీద మాత్ర‌మే మాట్లాడే నారా బ్రాహ్మ‌ణి.. తాజాగా త‌న తండ్రి న‌టించిన తాత బ‌యోపిక్ మూవీని చూశారు. అనంత‌రం త‌న స్పంద‌న‌ను మీడియాకు వెల్ల‌డించారు.

సినిమా చాలా బాగుంద‌న్న బ్రాహ్మ‌ణి.. మూవీలో న‌టించిన ప్ర‌తి న‌టుడు.. న‌టి అద్భుతంగా న‌టించార‌న్న ఆమె.. త‌న చిన్న‌త‌నంలో తాత‌య్య‌తో ఎక్కువ టైం గ‌డ‌ప‌లేద‌న్నారు. ప్ర‌తి రోజూ ఆయ‌న బిజీగా ఉన్నార‌ని.. త‌న తాత పాత్ర‌లో త‌న తండ్రి జీవించిన‌ట్లుగా చెప్పారు.

ఫ‌స్ట్ పార్ట్ అయిన క‌థానాయ‌కుడు త‌న‌కెంతో న‌చ్చింద‌న్న బ్రాహ్మ‌ణి.. సెకండ్ పార్ట్ మ‌హా నాయ‌కుడు కోసం ఎంతో ఆస‌క్తిగా ఎదురుచూస్తున్న‌ట్లు చెప్పారు. మ‌రీ.. అంత ఆస‌క్తి ఉంటే..స్పెష‌ల్ షో వేయిస్తే స‌రి. ఏమైనా.. సినిమా మీద పాజిటివ్ టాక్ పెంచ‌టంతో పాటు.. సెకండ్ పార్ట్ ప్ర‌మోష‌న్ ను బ్రాహ్మ‌ణి త‌న‌దైన శైలిలో స్టార్ట్ చేసేశారుగా!