బ్రహ్మోత్సవం డైలాగులు లీకయ్యాయి

పెద్ద సినిమాలకు సంబంధించి విశేషాల్ని రిలీజ్ వరకు దాచడం చాలా కష్టమైపోతోంది ఈ రోజుల్లో. కొన్నిసార్లు సినిమా సినిమానే బయటికొచ్చేస్తున్న సందర్భాలు చూస్తున్నాం. ఇక కొన్ని సన్నివేశాలు.. పాటలు.. ఆడియో ట్రాక్స్.. కూడా లీకవడం చూస్తూనే ఉన్నాం. అప్పుడప్పుడూ డైలాగులు కూడా బయటికి వస్తుంటాయి. తాజాగా మహేష్ బాబు-శ్రీకాంత్ అడ్డాల కాంబినేషన్ లో తెరకెక్కుతున్న మోస్ట్ అవైటెడ్ మూవీ ‘బ్రహ్మోత్సవం’కు సంబంధించి కూడా కొన్ని డైలాగులు లీకయ్యాయి. ‘మంచి’ డైలాగులు రాస్తాడని పేరున్న శ్రీకాంత్ మరోసారి తన సినిమా ద్వారా చాలా మంచి చెప్పాలని చూస్తున్నాట్లున్నాడు.

‘బ్రహ్మోత్సవం’ సినిమాలోనివే అని చెబుతున్న డైలాగుల్లో కొన్ని...

‘‘సముద్రంలో నీరు, అసమర్థుడి దగ్గర డబ్బు ఎంతున్నా ప్రయోజనం ఉండదు’’

‘‘మంచితనం నీ పుట్టుమచ్చ అయితే..దొంగతనం, చెడ్డతనం నువ్వు పెట్టుకున్న మచ్చలు. ఏ మచ్చలు కావాలో నువ్వే డిసైడ్ చేసుకో’’

‘‘సమస్యలు అలలు లాంటివి వస్తూ ఉంటాయి. పోతూ ఉంటాయ్. నువ్వు తీరంలా ఎప్పుడూ స్ట్రాంగ్ గా ఉండాలి’’

‘‘నలుగురిలో ఉండటం అంటే..నీ ఇంట్లో నాలుగుగోడల మధ్య ఉండటం కాదు. నలుగురూ నిన్ను గుర్తించడం’’

‘‘ఫ్యామిలీ ప్రాణం లాంటిది. జాగ్రత్తగా చూసుకోవాలే గానీ, ఎక్కడ పడితే అక్కడ మధ్యలో వదిలేయకూడదు’’