బ్రహ్మోత్సవం టైటిల్ సాంగ్ అదిరే

టాలీవుడ్ సూపర్ స్టార్ మహేష్ బాబు నటిస్తున్న లేటెస్ట్ మూవీ బ్రహ్మోత్సవం. వచ్చే నెలలో విడుదలకు సిద్ధమవుతున్న ఈ చిత్రానికి ఇప్పుడు ప్రోమో రిలీజ్ చేశారు. ఉగాది సందర్భంగా విడుదలైన ఈ టైటిల్ సాంగ్ ప్రోమోపై విపరీతమైన ప్రశంసలు వస్తున్నాయి. రీసెంట్ టైంలో ఇలాంటి విజువల్స్ చూడలేదని ఇండస్ట్రీ వర్గాలు అంటున్నాయి.

"బ్రహ్మోత్సవం టైటిల్ సాంగ్ ఇపుడే విన్నాను. ఆకట్టుకోవడమే కాదు.. మనసును దోచుకునేలా ఉంది" అంటూ నటుడు వెన్నెల కిషోర్ ట్వీట్ చేశాడు. ఈ టైటిల్ సాంగ్ ప్రోమోకు మహేష్ ఫ్యాన్స్ నుంచి కూడా మంచి స్పందన వస్తోంది. సీతమ్మ వాకిట్లో చిత్రం తర్వాత మహేష్ బాబు-దర్శకుడు శ్రీకాంత్ అడ్డాల కాంబినేషన్ లో తెరకెక్కిన మూవీ కావడంతో.. బ్రహ్మోత్సవం ఫ్యాన్స్ నుంచి పరిశ్రమ వర్గాల వరకూ అందరిలోనూ భారీ అంచనాలే ఉన్నాయి. మరోవైపు.. బ్రహ్మోత్సవం ఆడియోను ఈ నెల 24న విడుదల చేయాలని నిర్ణయించారు నిర్మాతలు.

తిరుపతిలో భారీ ఎత్తున కార్యక్రమం నిర్వహించి ఆడియోను రిలీజ్ చేయనున్నారు. గతేడాది తిరుమల శ్రీవారి బ్రహ్మోత్సవాల సమయంలో అక్కడే షూటింగ్ ప్రారంభించుకున్న ఈ మూవీ.. ఇప్పుడు ఆడియో విడుదల కూడా అక్కడే జరుపుకోవడం విశేషం. మహేష్ సరనస ఈ సినిమాలో సమంత, కాజల్, ప్రణీతలు హీరోయిన్లుగా నటిస్తున్నారు.