ఉప్పెన బాబుకి ఎన్టీఆర్ మాత్రమే కావాలట.. అందుకే ఇలా!

సాధారణంగా ఏ దర్శకుడైనా సరే మొదటి సినిమా సక్సెస్ కాగానే వెంటనే మరో సినిమాను మొదలు పెట్టాలని అనుకుంటారు. ఇక అదే తరహాలో బుచ్చిబాబు కూడా ఉప్పెన సినిమా తర్వాత తన సెకండ్ సినిమాను వీలైనంత త్వరగా మొదలు పెట్టాలని అనుకున్నాడు.

ఉప్పెన సినిమాను నిర్మించిన మైత్రి మూవీ మేకర్స్ తో నే అతను తన రెండవ సినిమా చేయాలని అనుకున్నాడు. నిర్మాతలు అడ్వాన్స్ కూడా ఇచ్చేశారు. అయితే ఈ క్రమంలో జూనియర్ ఎన్టీఆర్ కు ఒక కథను చెప్పి బాగానే ఇంప్రెస్ చేసినప్పటికీ కూడా ఎందుకు ఆ ప్లాన్ వర్క్ అవుట్ కావడం లేదు.

ఎన్టీఆర్ తో సాన్నిహిత్యం ఉండటంతో బుచ్చి బాబు పదేపదే చర్చలు జరుపుతున్నాడు. ప్రస్తుతం ఎన్టీఆర్ కొరటాల శివ దర్శకత్వంలో ఒక సినిమా చేస్తున్నాడు. ఆ సినిమా తర్వాత ప్రశాంత్ నీల్ దర్శకత్వంలో మరో సినిమా చేయబోతున్నాడు  ఇక ఈ రెండు ప్రాజెక్టుల తరువాత ప్రాజెక్ట్ ఉంటుంది అని ఆ మధ్య ఒక టాక్ వినిపించింది. బుచ్చి బాబు కు ఇతర మిడియం రేంజ్ హీరోలతో సినిమాలు చేసే చాన్స్ వస్తున్నప్పటికీ కూడా అతను ఎన్టీఆర్ తోనే పెద్ద సినిమా చేయాలి అని డిసైడ్ అయినట్లుగా తెలుస్తోంది.

ఎన్టీఆర్ ఫ్రీ కావడానికి దాదాపు ఒక సంవత్సరం సమయం పడుతుంది. అయితే ఈ క్రమంలో అతను సమయం వృధా చేయకుండా తన గురువుతో కలిసి కోసం పుష్ప సెకండ్ పార్ట్ స్క్రిప్ట్ చర్చలో పాల్గొంటూ ఉండటం విశేషం. సుకుమార్ కు బుచ్చిబాబు టాలెంట్ ఏమిటో బాగా తెలుసు అతని పెన్ పవర్ తో నాన్నకు ప్రేమతో రంగస్థలం ఇలాంటి స్క్రిప్టులు చాలా బలంగా సిద్ధమయ్యాయి అని సుకుమార్ చాలా సార్లు చెప్పాడు.

అయితే ఆ నమ్మకంతోనే ఇప్పుడు అతన్ని పుష్ప సెకండ్ పార్ట్ రైటర్ గా సెలెక్ట్ చేసుకున్నట్లుగా తెలుస్తోంది. ఎలాగో ఇప్పట్లో ఎన్టీఆర్ డేట్స్ దొరికే అవకాశం లేదు కాబట్టి ఆ లోపు గ్యాప్ ఇవ్వడం ఎందుకని పుష్ప కోసం వర్క్ చేస్తున్నాడు. పుష్ప అనంతరం ఎన్టీఆర్ సినిమాను గ్రాండ్ గా స్టార్ట్ చేయాలి అని ఆలోచిస్తున్నాడు. పుష్ప 2 సక్సెస్ అయితే మాత్రం బుచ్చి బాబుకు కూడా క్రెడిట్ దక్కుతుంది అనడంలో ఎలాంటి సందేహం లేదు. మరి ఆ కోణంలో ఆలోచించి ఎన్టీఆర్ ఫాస్ట్ గా బుచ్చిబాబు కు గ్రీన్ సిగ్నల్ ఇస్తాడో లేదో చూడాలి.