థాయ్ లాండ్ లో ల్యాండ‌యిన‌ బ‌న్ని

ప్ర‌ముఖ హీరో .. పాపుల‌ర్ మాస్ డైరెక్ట‌ర్ క‌లిసి స్పెష‌ల్ జెట్ లో విదేశాల‌కు జంప్ అయిన‌ప్పుడే ర‌క‌ర‌కాల సందేహాలు క‌లిగాయి. ఆ ఇద్ద‌రూ ఎక్క‌డో ఏదో పెద్ద‌గానే ప్లాన్ చేస్తున్నార‌ని అంతా భావించారు. అయితే అభిమానుల్లో ఎలాంటి సందేహాల‌కు తావివ్వ‌కుండా స‌ద‌రు ద‌ర్శ‌కుడు సుత్తి లేకుండా సూటిగా చెప్పేశారు.

ఇదేమీ కొత్త కాదు మా ఇద్ద‌రికీ! అంటూ అస‌లు విష‌యాన్ని సోష‌ల్ మీడియాల్లో ఫోటోని షేర్ చేసి మ‌రీ చెప్పేశారు. ఇంత‌కీ ఎవ‌రా ద‌ర్శ‌కుడు.. ఎవ‌రా హీరో అన్న‌ది చెప్పాల్సిన ప‌నే లేదు. పుష్ప‌రాజ్ రేంజుకు ఎదిగిపోయిన అల్లు అర్జున్ తో క‌లిసి డీజే ద‌ర్శ‌కుడు హ‌రీష్ శంక‌ర్ యాడ్ షూట్ కోసం రెడీ అయ్యారు.

ఇంత‌కీ ఈ ప్ర‌క‌ట‌న‌ను ఎక్క‌డ షూట్ చేస్తారు? అంటే.. ద‌ట్ట‌మైన అడ‌వులు ప‌చ్చ‌ద‌నం బీచ్ ల‌తో అల‌రారే సుదూర తీరం థాయ్ లాండ్ లో వాణిజ్య ప్ర‌క‌ట‌న‌ను షూట్ చేయ‌బోతున్నార‌ట‌.

ఇంత‌కుముందే బ‌న్నితో క‌లిసి హ‌రీష్ స్పెష‌ల్ జెట్ లో ప్ర‌యాణ‌మ‌వుతున్న ఫోటో వైర‌ల్ అయ్యింది. తాజాగా డెస్టినేష‌న్ లొకేష‌న్ ఏమిటో రివీలైపోయింది. ఇంత‌కీ ఇది ఏ ప్ర‌క‌ట‌న కోస‌మో ఈ జోడీ వెల్ల‌డించాల్సి ఉంది.

బ‌న్నీకి భారీగా కోలా బ్రాండ్లతో ఒప్పందాలున్నాయి. అలాగే ఇటీవ‌లి కాలంలో ఎడ్యుకేష‌న్ సంస్థ‌ల‌కు ప్ర‌చారం చేస్తున్నాడు. పాపుల‌ర్ బ్రాండ్లు పాన్ ఇండియా పుష్ప‌రాజ్ క్రేజ్ ని క్యాష్ చేసుకునేందుకు భారీ కాంట్రాక్టులు కుదుర్చుకుంటున్నాయి.

అన్న‌ట్టు హ‌రీష్ తో యాడ్ షూట్ లో పుష్ప గెట‌ప్ తో ద‌ర్శ‌న‌మిస్తాడా లేదా! అన్న‌ది బ‌న్నీనే చెప్పాలి. త్వ‌ర‌లోనే ఈ షూట్ కి సంబంధించిన వివ‌రాల్ని వెల్ల‌డించ‌నున్నార‌ట‌. బ‌న్ని త‌దుప‌రి పుష్ప 2 షూటింగులో పాల్గొనాల్సి ఉండ‌గా ఇప్పుడు హ‌రీస్ తో యాడ్ షూట్ పూర్తి చేస్తున్నాడు. సుకుమార్ అండ్ టీమ్ నుంచి పుష్ప 2 గురించిన అధికారిక ప్ర‌క‌ట‌న వెలువ‌డాల్సి ఉంది.