లంచ్‌ పార్టీ రియల్‌ సీక్రెట్‌ అదేనా...

ద‌గ్గుబాటి రానా - అల్లు అర్జున్ గ్రేట్ ఫ్రెండ్స్ అన్న సంగ‌తి తెలిసిందే. ఈ ఇద్ద‌రూ ప‌రిశ్ర‌మ‌లో ఉన్న కొన్ని ఇబ్బందిక‌ర‌ ప‌రిస్థితుల్ని చ‌క్క‌దిద్దేందుకు ఓ తెలివైన ప్ర‌ణాళిక‌ను సిద్ధం చేశారు. వారం వారం రిలీజ‌వుతున్న సినిమాల మ‌ధ్య పోటీని అరిక‌ట్టి లాభాల బాట ప‌ట్టించేందుకు, ఒక హీరో క‌ష్టాల్లో ఉన్న‌ప్పుడు ఇంకో హీరో ఎలా ఆదుకోవాలి? అనే సుహృద్భావ వాతావ‌ర‌ణాన్ని క్రియేట్ చేసేందుకు ఈ హీరోలిద్ద‌రూ ఇనిషియేటివ్ తీసుకుని ఓ లంచ్ పార్టీని ఎరేంజ్ చేశారు.

రానా అతిధిగృహంలో ఏర్పాటు చేసిన్‌ ఈ లంచ్‌ కు... చ‌ర‌ణ్‌ - మంచు ల‌క్ష్మి స‌హా దాదాపు 20 మంది చిన్న హీరోలు కూడా హాజ‌ర‌య్యార‌ని తెలుస్తోంది. వారం వారం వెంట వెంట‌నే సినిమాలు రిలీజ‌వ్వ‌డం వ‌ల్ల ఒక సినిమా క‌లెక్ష‌న్ల‌ను ఇంకో సినిమా తినేస్తోంది. గ్యాప్ లేక‌పోవడం వ‌ల్ల న‌ష్టాలొస్తున్నాయి. దీనిని ఆపాల‌ని డిసైడ్ చేసుకున్నారు. అయితే ఇలా ర‌హ‌స్యంగా ఇలాంటి మీటింగ్ ఏర్పాటు చేయాల్సిన ప‌నేంటి? ఇలాంటివి చూసుకునేందుకు మా అసోసియేష‌న్ ఉంది క‌దా! అన్న సందేహం రావొచ్చు. ఇదే విష‌య‌మై మా అసోసియేష‌న్ ఉపాధ్య‌క్షురాలు మంచు ల‌క్ష్మి ఓ జోక్ కూడా పేల్చారు. జాగ్ర‌త్త మా అసోసియేష‌న్ ఉంద‌క్క‌డ‌..! అంటూ న‌వ్వేశారు ల‌క్ష్మి మంచు.

అయితే ప్ర‌స్తుతం ఉన్న చాలా స‌మ‌స్య‌ల్ని మా అసోసియేష‌న్ ప‌రిష్క‌రించ‌లేక‌పోతోంది. అలాంటివాటిని ఇలాంటి చోట ప‌రిష్క‌రించుకోవ‌చ్చు.. అని డిసైడ్ అయ్యారుట‌. ఇక నుంచి ఈ లంచ్ పార్టీలు రెగ్యుల‌ర్‌ గా జ‌రుగుతుంటాయి. ఈ లంచ్ పార్టీల‌కు గ్లామ‌ర్‌ ని కూడా యాడ్ చేయ‌నున్నారు. త‌మ‌న్నా - శ్రుతిహాస‌న్‌ - స‌మంత లాంటి గ్లామ‌ర్ కూడా విచ్చేస్తుంది. అలాగే ఆల్ట‌ర్నేష‌న్ ప‌ద్ధ‌తిలో ఆ 20మంది బృందంలో ఒక్కో హీరో ఒక్కో లంచ్ పార్టీని ఎరేంజ్ చేస్తార‌న్న‌మాట‌! నిన్న‌టి మీటింగ్‌లో నాని - నిఖిల్‌ - సందీప్ కిష‌న్‌ - సుశాంత్‌ - త‌రుణ్‌ - వ‌రుణ్‌ తేజ్‌ - సాయిధ‌ర‌మ్‌ - ర‌కూల్‌ - సోనాల్ చౌహాన్ హాజ‌ర‌య్యారు.