పుష్ప నుండి అదిరిపోయే అప్డేట్.. బన్నీ ఫ్యాన్స్ కి పండగే!

స్టైలిష్ స్టార్ అల్లు అర్జున్ చాలకాలం తర్వాత మాస్ సినిమా చేస్తున్నాడు. మొన్నటివరకు అన్ని కమర్షియల్ స్టైలిష్ సినిమాలలో నటించిన బన్నీ.. రూట్ మార్చి తనకు సూపర్ హిట్స్ అందించిన సుకుమార్ దర్శకత్వంలో సినిమా చేస్తున్నాడు. పుష్ప పేరుతో తెరకెక్కుతున్న ఈ సినిమా ప్రస్తుతం శరవేగంగా షూటింగ్ జరుపుకుంటుంది. ఫస్ట్ టైం బన్నీ రఫ్ అండ్ సహజత్వం నిండిన పాత్రతో అలరించేందుకు రెడీ అవుతున్నాడు. ఇప్పటికే పుష్ప సినిమాకు సంబంధించిన అన్ని అప్డేట్స్ ఇచ్చేసారు మేకర్స్. అంటే రిలీజ్ డేట్ కూడా ప్రకటించేసారు. పాన్ ఇండియా సినిమాగా పుష్ప ఈ ఏడాది ఆగష్టు 13న ప్రేక్షకుల ముందుకు రాబోతుంది.

ప్రస్తుతం బన్నీ పుట్టినరోజుకు సంబంధించిన వార్తలు కూడా వైరల్ అవుతున్నాయి. ఏప్రిల్ 8న అల్లు అర్జున్ తన 38వ పుట్టినరోజు జరుపుకోనున్నాడు. ఈ సందర్బంగా అల్లు అభిమానులు పుష్ప సినిమా నుండి అప్డేట్స్ అండ్ సర్ప్రైజ్ ఎక్సపెక్ట్ చేస్తున్నారు. ఐతే తాజా సమాచారం ప్రకారం.. పుష్ప నుండి ఓ గ్రాండ్ సర్ప్రైజ్ రెడీ అవుతుందట. అదికూడా గ్లింప్స్ లేదా టీజర్ అయ్యుండొచ్చు అని ఫ్యాన్స్ అంచనా వేస్తున్నారు. అదే గనక నిజమైతే బన్నీ ఫ్యాన్స్ లో సందడి మాములుగా ఉండదు. ఇప్పటికే సినిమా పై అంచనా తారాస్థాయిలో నెలకొన్నాయి. ఐతే పాన్ ఇండియా మూవీ కాబట్టి వీడియో సర్ప్రైజ్ ఒకే లాంగ్వేజ్ లో ఉంటుందని టాక్. ఈ సినిమాను మైత్రి మేకర్స్ నిర్మిస్తుండగా.. రష్మిక మందన హీరోయిన్ గా నటిస్తోంది. చూడాలి మరి నిజంగా సర్ప్రైజ్ ఆకట్టుకుంటుందేమో!