బన్నీ కొరియోగ్రాఫర్ అలాంటి చెత్త పని చేస్తున్నాడట

స్టైలీష్ స్టార్ అల్లు అర్జున్ తోపాటు.. పలువురు ప్రముఖ నటుల సినిమాలకు కొరియోగ్రఫీ అందించిన స్టార్ కొరియోగ్రాఫర్ గణేష్ ఆచార్య పై లైంగిక వేధింపుల కేసు నమోదైంది. దాదాపు 500 సినిమాల్లో కొరియోగ్రాఫర్ గా వ్యవహరించిన ఆయనపై ఇప్పటికే బోలెడన్ని ఆరోపణలు ఉన్నాయి. తాజాగా ఆయన మీద కేసు నమోదు చేసింది ఎవరో కాదు.. ఆయన వద్ద అసిస్టెంట్ గా వ్యవహరించే 33 ఏళ్ల మహిళ. తనను రోజూ పోర్న్ వీడియోలు చూడాలంటూ టార్చర్ పెడుతున్నారంటూ పోలీసులకు కంప్లైంట్ ఇచ్చింది.

ఫిలిం అండ్ టెలివిజన్ కొరియోగ్రాఫర్స్ అసోసియేషన్ కు జనరల్ సెక్రటరీగా వ్యవహరిస్తున్న గణేశ్ ఆచార్య మీద గతంలోనూ బోలెడన్ని ఆరోపణలు వచ్చాయి. పలువురు ఆయన మీద కంప్లైంట్లు చేసేవారు. ఎక్కడి దాకానో ఎందుకు? లెజండరీ కొరియోగ్రాఫర్ సరోజా ఖాన్ సైతం గణేశ్ మీద ఆరోపణలు చేశారు. తన పేరును.. పలుకుబడిని వాడుకొని కొత్తగా వస్తున్న కొరియో గ్రాఫర్లను నాశనం చేస్తున్నాడంటూ అతడి పై ఆమె మండిపడ్డారు.

అంతేకాదు.. మీటూ ఉద్యమానికి దేశంలో నాంది పలికిన తను శ్రీ దత్తా సైతం గణేశ్ మీద ఆరోపణలు చేసింది. కొన్నేళ్ల క్రితం తాను నటిస్తున్న చిత్రంలో తన పట్ల ప్రముఖ నటుడు నానా పటేకర్ తనను వేధిస్తుంటే.. పక్కనే ఉన్న గణేశ్ చూస్తూ ఉండిపోయాడే తప్పించి ఏమీ చేయలేదన్నారు. గణేశ్ టీంలోని మహిళ తనను ఇబ్బంది పెడుతున్నట్లుగా పోలీసులకు కంప్లైంట్ఇచ్చిన నేపథ్యంలో ఈసారి యాక్షన్ తప్పదంటున్నారు. తన నుంచి కమిషన్ తీసుకోవాలని గణేశ్ అనుకుంటున్నారని.. అయితే తాను ఇవ్వనందుకు వేధిస్తున్నట్లుగా ఆమె ఆరోపిస్తున్నారు. ఈ నేపథ్యంలో గణేశ్ విషయంలో ప్రముఖులు ఆచితూచి అన్నట్లుగా వ్యవహరించే వీలుంది.