Begin typing your search above and press return to search.
'పుష్ప' పార్ట్-2 పై బన్నీ క్లారిటీ..!
By: Tupaki Desk | 22 Dec 2021 5:31 AM GMT
అల్లు అర్జున్ - డైరెక్టర్ సుకుమార్ కాంబినేషన్ లో తెరకెక్కిన ''పుష్ప: ది రైజ్'' చిత్రం గత శుక్రవారం ప్రేక్షకుల ముందుకు వచ్చింది. టాక్ తో సంబంధం లేకుండా ఈ సినిమా భారీ వసూళ్లు రాబడుతోంది. ఎర్రచందనం స్మగ్లింగ్ నేపథ్యంలో రెండు భాగాలుగా ఈ సినిమాని ప్లాన్ చేసిన సంగతి తెలిసిందే. సెకండ్ పార్ట్ ని 'పుష్ప: ది రూల్' పేరుతో తీసుకురానున్నట్లు పార్ట్-1 క్లైమాక్స్ లో పేర్కొన్నారు.
అయితే 'పుష్ప' మొదటి భాగం ఆశించిన స్థాయిలో లేదంటూ విమర్శకులు అభిప్రాయ పడ్డారు. అభిమానులు సైతం కొంత మేర నిరాశ చెందినట్లు కామెంట్స్ చేస్తున్నారు. ఈ నేపథ్యంలో అసలు పార్ట్-2 ఉంటుందా లేదా అని సోషల్ మీడియాలో చర్చలు జరిగాయి. ‘పుష్ప: ది రూల్’ పై ప్రేక్షకుల్లో నెలకొన్న సందేహాలను హీరో అల్లు అర్జున్ నివృత్తి చేశారు. ‘పుష్ప’ రెండో భాగం విషయంలో తగ్గేదేలే అని బన్నీ క్లారిటీ ఇచ్చారు.
'పుష్ప' ప్రమోషన్స్ లో భాగంగా అల్లు అర్జున్ - సుకుమార్ - హీరోయిన్ రష్మిక మందన్నా - సంగీత దర్శకుడు దేవిశ్రీ ప్రసాద్‌ ఓ స్పెషల్ ఇంటర్వ్యూలో ముచ్చటించారు. ఈ సందర్భంగా బన్నీ మాట్లాడుతూ.. తప్పకుండా పార్ట్-2 ఉంటుందని.. సుకుమార్ మాస్టర్ ప్లాన్ కు 'పుష్ప' మొదటి భాగం నిదర్శనమని పేర్కొన్నారు.
''తెలుగులో హీరో అంటే ఒక స్థాయి కన్నా కిందకు దిగి సినిమా తీయలేరు. కానీ ‘రంగస్థలం’ కంటే ముందే అలాంటి సినిమాతో రావాలని నేనూ, సుక్కూ అనుకునేవాళ్లం. నన్ను కంప్లీట్ మాస్ లుక్‌ లో చూపించాలనేది చాలా రోజుల నుంచి ఆయనకున్న కోరిక. ‘పుష్ప’ తో నాకు ఆ అవకాశం వచ్చింది. ఇందులో నా పాత్ర కోసం నాలుగు టెస్ట్‌ షూట్‌ లు చేశారు'' అని అల్లు అర్జున్ తెలిపారు.
ఇంతకు ముందు సుకుమార్ సైతం 'పుష్ప:2' పై స్పష్టత ఇచ్చారు. మొదటి భాగంలో పాత్రలను మాత్రమే పరిచయం చేశామని.. 'పుష్ప' అసలు కథ సెకండ్ పార్ట్ లోనే ఉందని.. 'పుష్ప: ది రూల్' మాత్రం నెక్స్ట్ లెవల్ లో ఉంటుందని సుకుమార్ పేర్కొన్నారు.
కాగా, 'పుష్ప: ది రైజ్' చిత్రంలో పుష్పరాజ్ అనే ఊర మాస్ పాత్రలో అల్లు అర్జున్.. శ్రీవల్లి గా రష్మిక ఆకట్టుకున్నారు. మలయాళ స్టార్ ఫహాద్ ఫాజిల్ - సునీల్ - అనసూయ భరద్వాజ్ - అజయ్ ఘోష్ - రావు రమేష్ కీలక పాత్రలు పోషించారు. మైత్రీ మూవీ మేకర్స్ బ్యానర్ పై నవీన్ ఎర్నేని - వై రవిశంకర్ ఈ చిత్రాన్ని నిర్మించారు. నాలుగు రోజుల్లోనే 'పుష్ప' ఫస్ట్ పార్ట్ 173 కోట్ల రూపాయల గ్రాస్‌ కలెక్షన్స్ రాబట్టినట్లు మేకర్స్ అధికారికంగా వెల్లడించారు.
అయితే 'పుష్ప' మొదటి భాగం ఆశించిన స్థాయిలో లేదంటూ విమర్శకులు అభిప్రాయ పడ్డారు. అభిమానులు సైతం కొంత మేర నిరాశ చెందినట్లు కామెంట్స్ చేస్తున్నారు. ఈ నేపథ్యంలో అసలు పార్ట్-2 ఉంటుందా లేదా అని సోషల్ మీడియాలో చర్చలు జరిగాయి. ‘పుష్ప: ది రూల్’ పై ప్రేక్షకుల్లో నెలకొన్న సందేహాలను హీరో అల్లు అర్జున్ నివృత్తి చేశారు. ‘పుష్ప’ రెండో భాగం విషయంలో తగ్గేదేలే అని బన్నీ క్లారిటీ ఇచ్చారు.
'పుష్ప' ప్రమోషన్స్ లో భాగంగా అల్లు అర్జున్ - సుకుమార్ - హీరోయిన్ రష్మిక మందన్నా - సంగీత దర్శకుడు దేవిశ్రీ ప్రసాద్‌ ఓ స్పెషల్ ఇంటర్వ్యూలో ముచ్చటించారు. ఈ సందర్భంగా బన్నీ మాట్లాడుతూ.. తప్పకుండా పార్ట్-2 ఉంటుందని.. సుకుమార్ మాస్టర్ ప్లాన్ కు 'పుష్ప' మొదటి భాగం నిదర్శనమని పేర్కొన్నారు.
''తెలుగులో హీరో అంటే ఒక స్థాయి కన్నా కిందకు దిగి సినిమా తీయలేరు. కానీ ‘రంగస్థలం’ కంటే ముందే అలాంటి సినిమాతో రావాలని నేనూ, సుక్కూ అనుకునేవాళ్లం. నన్ను కంప్లీట్ మాస్ లుక్‌ లో చూపించాలనేది చాలా రోజుల నుంచి ఆయనకున్న కోరిక. ‘పుష్ప’ తో నాకు ఆ అవకాశం వచ్చింది. ఇందులో నా పాత్ర కోసం నాలుగు టెస్ట్‌ షూట్‌ లు చేశారు'' అని అల్లు అర్జున్ తెలిపారు.
ఇంతకు ముందు సుకుమార్ సైతం 'పుష్ప:2' పై స్పష్టత ఇచ్చారు. మొదటి భాగంలో పాత్రలను మాత్రమే పరిచయం చేశామని.. 'పుష్ప' అసలు కథ సెకండ్ పార్ట్ లోనే ఉందని.. 'పుష్ప: ది రూల్' మాత్రం నెక్స్ట్ లెవల్ లో ఉంటుందని సుకుమార్ పేర్కొన్నారు.
కాగా, 'పుష్ప: ది రైజ్' చిత్రంలో పుష్పరాజ్ అనే ఊర మాస్ పాత్రలో అల్లు అర్జున్.. శ్రీవల్లి గా రష్మిక ఆకట్టుకున్నారు. మలయాళ స్టార్ ఫహాద్ ఫాజిల్ - సునీల్ - అనసూయ భరద్వాజ్ - అజయ్ ఘోష్ - రావు రమేష్ కీలక పాత్రలు పోషించారు. మైత్రీ మూవీ మేకర్స్ బ్యానర్ పై నవీన్ ఎర్నేని - వై రవిశంకర్ ఈ చిత్రాన్ని నిర్మించారు. నాలుగు రోజుల్లోనే 'పుష్ప' ఫస్ట్ పార్ట్ 173 కోట్ల రూపాయల గ్రాస్‌ కలెక్షన్స్ రాబట్టినట్లు మేకర్స్ అధికారికంగా వెల్లడించారు.
