'పుష్ప 2' హడావుడి లేదంటున్న బన్నీ.. అదే టార్గెట్‌

అల్లు అర్జున్ హీరోగా సుకుమార్‌ దర్శకత్వంలో రూపొంది గత ఏడాది డిసెంబర్‌ లో ప్రేక్షకుల ముందుకు వచ్చిన పుష్ప సినిమా భారీ విజయాన్ని సొంతం చేసుకుంది. సంచలన విజయాన్ని నమోదు చేసిన పుష్ప సినిమా కలెక్షన్స్ అందరిని ఆశ్చర్యపర్చాయి. పుష్ప భారీ విజయాన్ని సొంతం చేసుకోవడంతో పుష్ప 2 ను అంతకు మించి అన్నట్లుగా రూపొందించే పనిలో సుకుమార్‌ పడ్డాడు.

పుష్ప 1 విడుదలకు ముందే పుష్ప 2 సినిమా యొక్క కథ సిద్ధం అయ్యింది. అంతా అనుకున్నట్లుగా జరిగి ఉంటే పుష్ప 2 సినిమా ఈ ఏడాది ఫిబ్రవరిలోనే చిత్రీకరణ ప్రారంభం అయ్యి ఈ నెలలో ప్రేక్షకుల ముందుకు వచ్చి ఉండేది. కానీ పుష్ప 1 స్థాయిని మించేలా పుష్ప 2 ఉండాలనే పట్టుదలతో అల్లు అర్జున్‌ ఉన్నాడట.

అల్లు అర్జున్‌ పుష్ప సినిమా తో పాన్ ఇండియా స్థాయిలో మంచి గుర్తింపు దక్కించుకున్నాడు. పుష్ప 2 తో అంతర్జాతీయ స్థాయిలో సత్తా చాటాలని బన్నీ భావిస్తున్నాడట. అందుకే స్క్రిప్ట్‌ కే ఏకంగా దాదాపుగా పది నెలల సమయం ను సుకుమార్ కు బన్నీ ఇచ్చాడనే వార్తలు వస్తున్నాయి. తాజాగా 18 పేజెస్ సినిమా యొక్క ప్రీ రిలీజ్‌ వేడుకలో పాల్గొన్న బన్నీ ఆసక్తికర వ్యాఖ్యలు చేశాడు.

పుష్ప 2 విషయంలో సుకుమార్‌ ను తొందరపెట్టను అన్నాడు. అంతే కాకుండా పుష్ప 2 సినిమాను పాన్ ఇండియా స్థాయిలో కాకుండా అంతకు మించి ఉండేలా ప్లాన్ చేస్తున్నాం అన్నాడు. భారీ ఎత్తున బడ్జెట్‌ తో ఈ సినిమాను నిర్మిస్తున్నారని తెలుస్తోంది. అంతే కాకుండా పుష్ప 2 కు గాను అల్లు అర్జున్‌ ఏకంగా 100 కోట్ల పారితోషికంను అందుకోబోతున్నాడనే వార్తలు కూడా వస్తున్నాయి.

అల్లు అర్జున్‌ ఇప్పటికే పాన్‌ ఇండియా రేంజ్ లో స్టార్‌ గా గుర్తింపు దక్కించుకోవడంతో పుష్ప 2 మినిమం గా ఓపెనింగ్స్ ను రాబట్టడం ఖాయం అంటూ విశ్లేషకులు అభిప్రాయం వ్యక్తం చేస్తున్నారు.

అందుకే ఈ సినిమా ను మూడు వందల కోట్ల బడ్జెట్‌ తో మైత్రి మూవీ మేకర్స్ వారు నిర్మిస్తున్నారనే వార్తలు కూడా వస్తున్నాయి. పుష్ప 2 అప్డేట్‌ ఎప్పుడెప్పుడు వస్తుందని అభిమానులు వెయిట్‌ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.