బుట్టబొమ్మకు బ‌న్నీ మేక‌ప్‌.. ర‌చ్చో ర‌చ్చాభ్యః

ఈ మాత్రం దానికి మేక‌ప్ మెన్ ఎందుకులే అనుకున్నాడో.. లేదంటే టాలెంట్ చూపించ‌డానికి సిద్ధ‌మ‌య్యాడోగానీ.. కొన్ని నిమిషాలు మేక‌ప్ మెన్ గా మారిపోయాడు స్టైలిష్ స్టార్. 'దువ్వాడ జ‌గ‌న్నాథం' చిత్రంలో పూజాహెగ్డేతో క‌లిసి బ‌న్నీ చేసిన ర‌చ్చను ఎవ్వ‌రూ మ‌రిచిపోలేదు. ఈ జ‌న‌రేషన్ పంతులుగా అల్లు అర్జున్.. అందాల‌తో రెచ్చ‌గొట్టే భామ‌గా పూజా హెగ్డే మురిపించారు.

అయితే.. ఈ చిత్రానికి సంబంధించిన పిక్ ఒక‌టి లేటెస్ట్ గా సోష‌ల్ మీడియాలో చ‌క్క‌ర్లు కొడుతోంది. షాట్ గ్యాప్ లో మేక‌ప్ వేసుకుంటున్న త్రోబ్యాక్ పిక్ మెస్మ‌రైజ్ చేస్తోంది. మూడు నామాలు పెట్టుకోవ‌డంలో బుట్ట‌బొమ్మకు లేటైన‌ట్టుగా ఉంది. దీంతో.. అప్ప‌టికే రెడీ అయిన బ‌న్నీ.. పూజాకు నామాలు పెడుతున్నాడు.

మెరుగులు దిద్దే ప‌నిలో బ‌న్నీ సీరియ‌స్ గా మునిగిపోగా.. పూజాహెగ్డే మాత్రం చిరున‌వ్వులు చిందిస్తోంది. ఈ చిత్రానికి సోష‌ల్ మీడియాలో లైకుల‌ వ‌ర్షం కురుస్తోంది. బుట్ట బొమ్మ‌కు రంగులు అద్దుతున్న స్టైలిష్ స్టార్ అంకూ కామెంట్స్ చేస్తున్నారు ఫ్యాన్స్‌.