బన్నీ ఇక నాన్ స్టాప్ ఎక్స్ ప్రెస్

స్టైలిష్ స్టార్ అల్లు అర్జున్ తీసుకోవడం అయితే ఏడాది గ్యాప్ ఎంజాయ్ చేశాడు కానీ ఇకపై మాత్రం నాన్ స్టాప్ వేగంతో దూసుకుపోయేలా ఉన్నాడు. ఇప్పటికే త్రివిక్రమ్ శ్రీనివాస్ దర్శకత్వంలో రూపొందుతున్న సినిమా మొదటి షెడ్యూల్ బాలన్స్ పూర్తి కావొచ్చింది. దీని తర్వాత వచ్చే వారం నుంచి ఏకధాటిగా షూట్ చేయబోతున్నారు. దీని కోసం బన్నీ కొత్త హెయిర్ స్టైల్ తో పాటు కొంత బాడీ చేంజ్ లో కనిపిస్తాడట. ఇది సినిమా మొత్తం ఉంటుందా లేక ప్రత్యేకమైన ఎపిసోడ్ కోసం ఇలా ప్లాన్ చేశారా అనే క్లారిటీ లేదు.

సీనియర్ హీరోయిన్ టబు మలయాళం స్టార్ జయరాం నాన్నగా నటిస్తున్న ఈ మూవీ పేరెంట్స్ సెంటిమెంట్ హార్ట్ టచింగ్ గా ఉంటుందట. కుటుంబ విలువల గురించి తన ప్రతి సినిమాలో ప్రస్తావించే త్రివిక్రమ్ ఈసారి ఎమోషన్ ను ఇంకాస్త ఎక్కువ దట్టించాడని తెలిసింది. ఈ కాంబినేషన్ లో వచ్చిన రెండు సినిమాలు జులాయి-సన్ అఫ్ సత్యమూర్తి బ్లాక్ బస్టర్స్ గా నిలవడంతో హ్యాట్రిక్ మూవీగా అభిమానుల అంచనాలు మాములుగా లేవు.

థమన్ ఇప్పటికే ట్యూన్స్ కంపోజింగ్ మొదలుపెట్టాడు. నవదీప్ నెగటివ్ షేడ్స్ ఉన్న పాత్రలో చాలా కీలకంగా ఉంటాడని వినికిడి. పూజా హెగ్డే గ్లామర్ తోడయ్యింది కాబట్టి మరోసారి డీజే రేంజ్ ఆన్ స్క్రీన్ కెమిస్ట్రీ ఎక్స్ పెక్ట్ చేస్తున్నారు ఫాన్స్. తనకు పెద్ద బ్రేక్ ఇచ్చిన హీరోగా పూజాకూ ఇది ఎగ్జైట్మెంట్ గా ఉంది. వచ్చే సంక్రాంతికి ప్లాన్ చేసుకున్నప్పటికీ టోటల్ షూటింగ్ ని నవంబర్ లోపే పూర్తి చేయాలనే ప్లాన్ లో ఉన్నారట. గీత ఆర్ట్స్ హారికా హాసిని సంయుక్తంగా నిర్మిస్తున్న ఈ మూవీకి గట్టి పోటీనే ఎదురు కాబోతోంది