చేతులు కాలాక అరిటాకు క‌నిపించిందా గురూజీ?

క‌థ-క‌థ‌నం- మాట‌లు- ద‌ర్శ‌క‌త్వం .. అన్నీ అయిపోయాయి. అయినా గురూజీలో ఇంకా ఏదో అసంతృప్తి. అందుకే ఇప్పుడు నిర్మాత అనే ట్యాగ్ కూడా వెండితెర‌పై చూసుకోవాల‌నుకుంటున్నార‌ట‌. అది కూడా ఓ అగ్ర హీరోతో బ్లాక్ బ‌స్ట‌ర్ హిట్ కొట్టిన సినిమాకి నిర్మాత అనిపించుకోవాల‌ని ముచ్చ‌ట‌ప‌డుతున్నార‌ట‌. అందుకోసం గురూజీ త్రివిక్ర‌మ్ ఎలా ప్లాన్ చేశారో తెలుసా?

ఇంత‌కుముందు ప‌వ‌న్ - నితిన్ తో క‌లిసి `చ‌ల్ మోహ‌న రంగా` చిత్రాన్ని నిర్మించి చేతులు కాల్చుకున్న త్రివిక్ర‌మ్ ఈసారి మాత్రం అలా కాకూడ‌ద‌నే పంతంతో ఉన్నారు. అందుకే `అల వైకుంఠ‌పుర‌ములో` స్టార్ బ‌న్నీతోనే సినిమా తీయాల‌ని సంక‌ల్పించార‌ట‌. ప్ర‌స్తుతం సుకుమార్ తో బ‌న్ని సినిమా అవ్వ‌గానే మ‌ళ్లీ గీతా ఆర్ట్స్ - హారిక అండ్ హాసిని బ్యాన‌ర్ లో మ‌రో సినిమాని గురూజీనే చేయ‌బోతున్నారు. అందులో బ‌న్నీ హీరోగా న‌టించ‌నున్నాడు. అయితే ఈసారి ఛాన్స్ మాత్రం మిస్ చేసుకోకూడ‌ద‌ని త్రివిక్ర‌మ్ భావిస్తున్నార‌ట‌. ద‌ర్శ‌క‌త్వం అన్న ట్యాగ్ తో పాటు నిర్మాత అన్న ట్యాగ్ కూడా క‌నిపించాల‌ని పట్టుబ‌డుతున్నాడ‌ట‌.

ఇన్నాళ్లు బ్యాక్ ఎండ్ లో ఉండి ప్రొడ‌క్ష‌న్ వ్య‌వ‌హారాలు చూస్కున్న గురూజీ ఈసారి ఫ్రంట్ ఎండ్ లోకి రావాలి అని అది కూడా బ‌న్నీ లాంటి స్టార్ హీరోతో నిర్మాత‌గా తొలి హిట్ అందుకోవాల‌ని ప్లాన్ చేస్తున్నార‌ట‌. అయితే గ‌తంలో చ‌ల్ మోహ‌నరంగ (రేటింగ్ గుడ్ క‌లెక్ష‌న్స్ నిల్) బెడిసి కొట్టింది కాబ‌ట్టే ఈ జాగ్ర‌త్త‌నా? అంటూ త్రివిక్ర‌మ్ పైనే పంచ్ లు వేస్తున్నారు కొంద‌రు. అప్పుడు చేతులు కాలాయి గనుకే ఇప్పుడు ఫామ్ లోకి వ‌చ్చిన బ‌న్నీతో ప్లాన్ చేస్తున్నారా? అని ప్ర‌శ్నిస్తున్నారు. చేతులు కాలాక అరిటాకు క‌నిపించిన‌ట్టు ఇప్పుడు బ‌న్నీ క‌నిపించాడా గురూజీ? మ‌రి దీనిపై ఏమ‌ని స్పందిస్తారో?