మేము ఆగ‌ము: సిగ్నేచ‌ర్ స్టెప్పుల‌తో ఆగ‌మాగం చేసిన బ‌న్నీ!

'పుష్ప‌' మూవీతో స్టార్ హీరో అల్లు అర్జున్ పాన్ ఇండియా స్టార్ గా మారిన విష‌యం తెలిసిందే. భారీ అంచ‌నాల మ‌ధ్య‌ ఐదు భాష‌ల్లో ప్ర‌పంచ వ్యాప్తంగా విడుద‌లైన ఈ మూవీ విడుద‌లైన అన్ని భాష‌ల్లోనూ రికార్డు స్థాయి వ‌సూళ్ల‌ని రాబ‌ట్టి సంచ‌ల‌నం సృష్టించింది. దీంతో బ‌న్నీ పేరు దేశ వ్యాప్తంగా మారుమోగిపోయింది. పుష్ప‌రాజ్ పాత్ర‌లో ఊర మాస్ క్యారెక్ట‌ర్ లో న‌టించిన తీరు ప్ర‌తీ ఒక్క‌రినీ ఆక‌ట్టుకుంది. ఈ మూవీ త‌రువాత బ‌న్నీ క్రేజ్ కూడా భారీ స్థాయిలో పెరిగిపోయింది.

దీంతో ప్ర‌ముఖ బ్రాండ్ ల‌న్నీ ఇప్పుడ బన్నీ వెంట ప‌డ‌టం మొద‌లు పెట్టాయి. ఎడా పెడి బ్రాండ్ ల‌ని సొంతం చేసుకుంటూ వాటి క‌మ‌ర్షియ‌ల్ యాడ్స్ ల‌లో న‌టిస్తూ ట్రెండ్ అవుతున్న బ‌న్నీ తాజాగా బాలీవుడ్ కు చెందిన కోకాకోలా ఇండియా కోలా మ్యూజిక్ కోసం ఓ వీడియో సాంగ్ ని చేశాడు.

'మేము ఆగ‌ము' అంటూ హిందీ, తెలుగు భాష‌ల్లో సాగే ఈ ఎఫ్ టీ సాంగ్ ని సోమ‌వారం విడుద‌ల చేశారు. ధ‌ర్మా ప్రొడ‌క్ష‌న్స్ బ్యాన‌ర్ పై ఈ మ్యూజిక్ వీడియోని క‌ర‌ణ్ జోహార్‌, పునీత్ మల్హోత్రా నిర్మించారు.

సోష‌ల్ మీడియా ట్విట్ట‌ర్ వేదిక‌గా హీరో అల్లు అర్జున్ వీడియోని రిలీజ్ చేసి అభిమానుల‌తో సోమ‌వారం పంచుకున్నారు. ఈ సందర్భంగా ఈ వీడియోకి ఆస‌క్తిక‌ర‌మైన క్యాప్ష‌న్ ని చ‌త చేశారు. ఎట్ట‌కేల‌కు 'మేము ఆగ‌ము' మీ ముందుకు తెచ్చినందుకు చాలా సంతోషంగా వుంది. ఇందులో భాగ‌మైన ప్ర‌తి క్ష‌ణం నచ్చింది. ఇప్పుడు యూట్యూబ్ లో పూర్తి ట్రాక్ ని వినంది'అంటూ ట్వీట్ చేశాడు బ‌న్నీ. బ‌న్నీ షేర్ చేసిన క్ష‌ణాల్లోనే ఈ వీడియో సాంగ్ 70 వేల వ్యూస్ ని దాటడం విశేషం.

బ‌న్నీతో సింగ‌ర్ అర్మాన్ మాలిక్‌ డ్యాన్స‌ర్స్ పాల్గొన‌గా చిత్రీక‌రించిన ఈ పాట‌కు కునాల్ వ‌ర్మ‌, ఎల్లీ, ఎస్‌. టైగ‌ర్ సాహిత్యాన్ని అందించారు. అల్లు అర్జున్‌, అర్మాన్ మాలిక్ ఆల‌పించారు. ట్రాక్ మాస్ట‌ర్డ్ బై హ‌నీష్ త‌నేజా, మ్యూజిక్ బై లాస్ట్ స్టోరీస్, ఎస్‌. టైగ‌ర్‌.

ఈ మ్యూజిక్ వీడియోని కోలిన్ డి కున్హా డైరెక్ట్ చేశాడు. పాట‌కు త‌గ్గ‌ట్టే బ‌న్నీ త‌న స్టెప్పుల‌తో ఆగ‌మాగం చేశాడు. త‌నదైనా మార్కు సిగ్నేచర్ స్టెప్పుల‌తో అద‌ర‌గొట్టేశాడు. రెడ్ క‌ల‌ర్ జాకెట్ ధ‌రించి బ‌న్నీ ఈ పాట‌లో అల్ట్రా స్టైలిష్ గా క‌నిపించాడు. ప్ర‌స్తుతం ఈ మ్యూజిక్ వీడియో యూట్యూబ్ లో ట్రెండ్ అవుతోంది.